150 جىلدىق تاريحى بار بۇل گازەت يسپانياداعى ەڭ كونە ءارى بەدەلدى اقپارات كوزدەرىنىڭ ءبىرى سانالادى. باسىلىمنىڭ رەسمي مالىمەتىنە سايكەس, كۇن سايىن سايتتاعى جاڭالىقتاردى 400 مىڭعا جۋىق وقىرمان قاراپ وتىرادى. وسى اۋديتورياعا ارناعان ماقالاسىندا يسپان جۋرناليستەرى ديماشتىڭ كلاسسيكالىق وپەرا مەن زاماناۋي ەسترادالىق جانرلاردى ۇشتاستىرۋ شەبەرلىگىنە ايرىقشا توقتالادى. ءانشىنىڭ پلاسيدو دومينگو جانە حوسە كاررەراس سىندى اتى اڭىزعا اينالعان تەنورلارمەن ءبىر ساحنادا ءان سالۋى – ولار ءۇشىن ۇلكەن وقيعا.
«La Voz de Galicia» ءتىلشىسى يولاندا گارسيا بۇل سۇحباتتىڭ ديماش ءۇشىن يسپان تىلىندەگى العاشقى باسىلىمعا بەرگەن سۇحباتى ەكەنىن اتاپ وتكەن. ءجۋرناليستىڭ ايتۋىنشا, الداعى كونتسەرت قارساڭىندا كوپشىلىككە قازاق ءانشىسىن جاقىنىراق تانىستىرۋ ماقسات ەتىلگەن.
ايتا كەتەيىك, ديماشتىڭ يسپانياداعى العاشقى جەكە كونتسەرتى وسى كۇزدە بارسەلونادا وتپەك. بۇل كەش ونىڭ ەۋروپا قالالارىن قامتيتىن «Stranger» تۋرىنىڭ ءبىر بولىگى سانالادى. ءانشى بۇدان بولەك, لوندون, بەرلين جانە ريگا قالالارىندا دا ونەر كورسەتۋدى جوسپارلاپ وتىر.
