استانا. 19 ناۋرىز. استانا كوشەلەرىنىڭ بىرىندەگى ايالدامادا ۇلكەن كىسىنى ەكى بالانىڭ تەپكىلەپ, ۇرىپ تاستاعانىن ءسوز ەتەتىن اقپاردى ءبىز بۇدان ەكى كۇن بۇرىن جاريالاعان ەدىك. كەشە سول بۇزاقىلاردىڭ تاياعىن جەگەن ادام كەشە تابىلدى. بۇل تۋرالى egemen.kz حابارلادى.
«استانادا جەتكىنشەكتەر سوققىعا جىققان ەر ادام پوليتسياعا شاعىم ءتۇسىردى», - دەلىنگەن استانا قالالىق ىشكى ىستەر دەپارتامەنتىنىڭ ءباسپاسوز قىزمەتى حابارلاماسىندا.
بۇرىن حابارلانعانداي, 15 ناۋرىزدا Youtube-تە ادام جوق ايالدامادا وتىرعان ەر ادامدى جەتكىنشەكتەر سەبەپسىز سوققىعا جىعىپ جاتقاندارى تۇسىرىلگەن بەينەبايان پايدا بولعان.
«39 جاستاعى جەرگىلىكتى تۇرعىننىڭ شاعىمى سوتقا دەيىنگى تەرگەۋدىڭ بىرىڭعاي رەەسترىنە الىندى. قاجەتتى تەرگەۋ ارەكەتتەرى جۇرگىزىلدى. سوتقا دەيىنگى تەرگەۋ ماتەريالدارى سوتقا جولداناتىن بولادى», - دەلىنگەن سارسەنبىدە تاراتىلعان حابارلامدا.
بۇزاقىلار استانا قالاسىنداعى كوللەدجدەردىڭ بىرىندە وقيتىن بولىپ شىقتى.
وسى وقيعاعا قاتىستى «بۇزاقىلىق» بابى بويىنشا ءىس قوزعالدى.
پوليتسەيلەر جابىرلەنۋشىنى تاپقان, ول بۇزاقىلاردىڭ ۇستىنەن شاعىم ءتۇسىردى. استانا قالالىق ىشكى ىستەر دەپارتامەنتىنىڭ ءباسپاسوز حاتشىسى سوفيا قىلىشبەكوۆانىڭ حابارلاۋىنشا, 39 جاستاعى جەرگىلىكتى تۇرعىننىڭ شاعىمى سوتقا دەيىنگى تەرگەۋدىڭ بىرىڭعاي رەەسترىنە الىندى. جابىرلەنۋشى ەر ادام سولتۇستىك قازاقستاندا تۋعان, استانادا جۇمىس ىستەيدى.
«قاجەتتى تەرگەۋ ارەكەتتەرى جۇرگىزىلدى. سوتقا دەيىنگى تەرگەۋ ماتەريالدارى سوتقا جولداناتىن بولادى», - دەدى قىلىشبەكوۆا. ونىڭ ايتۋىنشا, بۇزاقىلىق جاساعان ءۇش ءجاسوسپىرىمنىڭ اتى-ءجونى انىقتالدى, ولاردىڭ ەكەۋى كامەلەتكە تولماعان, سوعان قاراماستان, ولار ءۇشىنشى ايىپتالۋشىمەن بىرگە سوت الدىندا جاۋاپ بەرەتىن بولادى. ولار قوماقتى ايىپپۇل تولەۋى نەمەسە بوستاندىقتارىنان ەكى جىلعا دەيىن ايىرىلۋى مۇمكىن. قازىر بۇزاقىلار ەشقايدا كەتپەۋ تۋرالى قولحات قالدىرعان.
قۇرىش نۇرىمبەت.
