بۇقاردىڭ جىرىنا قاراعاندا, قارمالجىق تۇلكى بولعاندا دا, وتە قۇندىسى سەكىلدى. قاس سىپايىلار عانا مەيماناسى اسقان ەلدىڭ اراسىندا كيەتىنى ەمەۋرىن ەتىلگەن ويتكەنى. بۇرىن جاتقا بىلسەك تە, تۇپكىلىكتى تياناعىن تاپپاي جۇرگەن بۇل ءسوزدىڭ ءمانىسى جازۋشى قۇلتولەۋ مۇقاشتىڭ «قارامالجىق» اتتى اڭگىمەسىنەن اشىلدى.
ء«تۇس مەزگىلىندە, قايدان ساپ ەتە تۇسكەنى بەلگىسىز, قىستاقتىڭ ءيتىن شۋلاتىپ, تاسبازدىڭ سىرتىنداعى قىردان جالت ەتىپ ءبىر قارامالجىق تۇلكى قاشتى.
ەرتتەۋلى تۇرعان قاراگەر اتقا مىنە سالا, تۇلكىنىڭ سوڭىنان بۇل دا سالعان. مۇندايدا اۋەلدەن اڭكوس, ساياتكەر ادامنىڭ دەلەبەسى قاتتى قوزاتىن سياقتى, تالايدان بويدى بۋعان قۇمارلىعى ءورشىپ, قيقۋعا باستى.
– ايت-ەي! ايت-ت! ايتت!..
بۇل وڭىردە قىزىل تۇلكى مەن قويان-قارساق ءورىپ جۇرگەنىمەن, قارامالجىق كوپ كەزدەسە قويمايدى. الدىڭنان القىم تۇسى مەن جەلكە قىلشىعى عانا كوكبۋرىل تارتقان قاپ-قارا تۇلكىنىڭ تابانى جالتىلداپ ەلىكتىرە قاشۋى وتە سيرەك كورىنىس. باتشاعار ەداۋىر ءىرى دە ەكەن ءوزى. قۇيرىعىن كوتەرىپ الىپ جانۇشىرىپ بارادى» دەلىنگەن جازۋشى اڭگىمەسىندە. بۇل كىسى قارامالجىق دەپ جازىپتى, بۇقار جىرىندا قارمالجىق دەپ تاڭبالانىپتى. كونەدەن جەتكەن ۇعىمدا ەپتەگەن داۋىس وزگەشەلىگى بولا بەرمەي مە؟ انىعىن تىلشىلەر ايتار. باستىسى – قارا تۇلكىنى قازاق قارمالجىق اتايتىنى. بىلگەنگە بۇل دا مارجان.
