نورۆەگيالىق 79 جاستاعى ازامات تريۋگۆە بەرنحاردسەن 65-تەگى ەللەن حەرتتسبەرگكە ۇيلەنىپ جاتقان تويىندا 800 مەترلىك قاشىقتىققا ءجۇزىپ شىقتى. قاريا بۇل ارالىقتى ەكى نەمەرەسىنىڭ جانىندا ءجۇزىپ وتىرۋلارىمەن باعىندىردى.
بۇل سۋعا ءجۇزۋدىڭ ءبىر قيىندىعى, سول كۇنى اشىق تەڭىزدەگى جاعداي دا مۇنداي ەرلىك جاساۋعا ونشالىقتى قولايلى بولا قويماپتى. شامالىدان كەيىن سەبەلەپ جاڭبىر جاۋىپ كەتكەن دە, ارتى كۇشتى جەلگە ۇلاسقان. ال سۋدىڭ جىلىلىعى 14 گرادۋستان اسپاعان. سوعان قاراماستان, قاريا بۇل كەدەرگىلەردەن وتە بىلگەن. سۋعا تۇسەر الدىندا تريۋگۆە جۋرناليستەرمەن كەزدەسىپ, ولارعا وسى سالتاناتقا قاتىسۋلارىنىڭ ءوزى ونىڭ قايتار جولدا جاقسى ءجۇزىپ كەلۋىنە كەپىل بولاتىنىن ايتىپ ازىلدەگەن. سۋدا ءجۇزىپ كەلگەننەن كەيىن كۇيەۋ جىگىت مۇنىڭ ءوزى ءۇشىن ءۇلكەن سىناق بولعانىن مويىنداعان. جاس كەزىندە ۇزاق جىلدار جۇزۋمەن شۇعىلدانعان ول «سۋىقتان اياقتارىنىڭ تۇگەل جانسىزدانىپ قالعانىن» جەتكىزدى. بۇل جۇپتىڭ ءبىر-بىرلەرىمەن تانىس بولعاندارىنا 15 جىلدان اسىپتى. سول كەزدە تريۋگۆە ءوزىنىڭ ياحتاسىن ەللەننىڭ ءۇيىنىڭ ماڭىنا بايلاپتى. ولار قازىر سوندا تۇرىپ جاتىر.
مۇرات ايتقوجا.
