وبلىستى زاماناۋي ۆەتەرينارلىق ينفراقۇرىلىممەن قامتاماسىز ەتۋ – باسىم باعىتتاردىڭ ءبىرى جانە ماماندار ءۇشىن دە, تۇرعىندار ءۇشىن دە ماڭىزدى.
– قولايلى جانە قازىرگى زامانعى جاعدايلارى بار وسىنداي پۋنكتتەردىڭ اشىلۋى – وڭىردەگى مال شارۋاشىلىعىنىڭ ونىمدىلىگىن ارتتىرۋ ءۇشىن ماڭىزدى قادام, سونداي-اق حالىق ءۇشىن جانۋارلاردان الىناتىن ونىمدەر قاۋىپسىزدىگىنىڭ كەپىلى. بۇل تەك ۆەتەرينارلاردىڭ جۇمىس جاعدايىن جاقسارتۋ ءۇشىن عانا ەمەس, سونىمەن قاتار تۇرعىندار مەن مال وسىرۋشىلەرگە ۆەتەرينارلىق كومەكتىڭ قولجەتىمدىلىگىن ارتتىرۋ ءۇشىن دە قاجەت. بۇل قىزمەت كورسەتۋ ساپاسىن جاقسارتادى, ەپيزووتيالىق قاۋىپسىزدىكتى ارتتىرادى جانە مال شارۋاشىلىعىن دامىتۋعا ىقپال ەتەدى, – دەدى وبلىس اكىمىنىڭ ورىنباسارى باۋىرجان اسانوۆ ۆەتەرينارلىق پۋنكتتىڭ اشىلۋىندا.
پۋنكت قازاقستاننىڭ اگروونەركاسىپتىك كەشەنىن دامىتۋ تۇجىرىمداماسى اياسىندا سالىنعان. ونىڭ اشىلۋى وسى جىلدان باستاپ 10 شىلدەدە اتاپ وتىلەتىن ۆەتەرينارلىق قىزمەتكەر كۇنىنە ورايلاستىرىلعان.
اشىلۋ سالتاناتىندا سالانىڭ ۇزدىك ماماندارى قۇرمەت گراموتالارىمەن جانە ۆەدومستۆولىق ناگرادالارمەن ماراپاتتالدى.
قاراعاندى وبلىسى
