فوتو: ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى
پاۆلودار وبلىسىنا – 672 ادام, سولتۇستىك قازاقستان وبلىسىنا – 532 ادام, قوستاناي وبلىسىنا – 330 ادام, اقمولا وبلىسىنا – 215 ادام, شىعىس قازاقستان وبلىسىنا – 214 ادام, اباي وبلىسىنا – 145 ادام, اتىراۋ وبلىسىنا – 90 ادام, ۇلىتاۋ وبلىسىنا – 4 ادام قونىس اۋدارعان.
قونىستانۋ ايماقتارىنا كوشكەن قانداستارىمىز نەگىزىنەن وزبەكستاننان – 396 ادام, موڭعوليادان – 310 ادام, قحر – 286 ادام, رەسەيدەن – 52 ادام, باسقا ەلدەردەن – 47 ادام كەلگەن.
ەڭبەككە قابىلەتتى جاستاعى 790 ادام ىشىنەن تۇراقتى جۇمىس ورىندارىنا 374 ادام جۇمىسقا ورنالاستىرىلعان, 10 ادام كاسىپكەرلىك قىزمەتپەن اينالىسادى.
قونىس اۋدارۋشىلاردىڭ ءبىرى تامارا ايناددينوۆانىڭ ومىرىندەگى وڭ وزگەرىستى اتاپ ءوتتى. ول ءوزىنىڭ حيميا ءپانىنىڭ مۇعالىمى ماماندىعى بويىنشا جاڭا تۇرعىلىقتى جەرىنە كەلگەننەن كەيىن جۇمىسقا ورنالاسقان.
«مەن جامبىل وبلىسىنان تايىنشا اۋدانىنداعى كەللەروۆكا اۋىلىنا سوناۋ 2022 جىلى كوشىپ كەلدىم. قونىس اۋدارۋعا ارنالعان وبلىستىق كۆوتاعا ەنگىزىلگەننەن كەيىن كوشىپ-قونۋ ءۇشىن قارجىلاي كومەك, سونداي-اق تۇرعىن ءۇيدى جالعا الۋ جانە كوممۋنالدىق قىزمەتتەرگە جۇمسالعان شىعىنداردى وتەۋ ءۇشىن سۋبسيديالار تۇرىندە مەملەكەتتىك قولداۋعا يە بولدىم.
كوشۋگە شەشىم قابىلداعانىمىزعا, قونىس اۋدارۋشىلارعا جۇمىس تاۋىپ بەرۋگە كومەكتەسەتىن, العاشقى قارجىلىق كومەك كورسەتەتىن مەملەكەتتەن باعدارلاما بارىنا وتە قۋانىشتىمىن. مەن وسى جەردە وتباسىن قۇردىم», دەيدى ت.ايناددينوۆا.
ەڭبەك جانە حالىقتى الەۋمەتتىك قورعاۋ مينيسترلىگى ەرىكتى قونىس اۋدارۋ اياسىندا قونىس اۋدارۋشىلارعا مەملەكەتتىك قولداۋدىڭ مىناداي شارالارى ۇسىنىلاتىنىن ەسكە سالادى:
- وتاعاسىنا جانە وتباسىنىڭ ءاربىر مۇشەسىنە 70 اەك مولشەرىندە كوشۋگە ارنالعان ءبىر رەتتىك سۋبسيديا;
- وتباسى مۇشەلەرى سانى مەن ەلدى مەكەنگە بايلانىستى 15-تەن 30 اەك-كە دەيىنگى مولشەردە 12 اي ىشىندە تۇرعىن ءۇي جالداۋعا جانە كوممۋنالدىق قىزمەتتەرگە اقى تولەۋگە اي سايىنعى سۋبسيديالاۋ;
- قىسقا مەرزىمدى كاسىپتىك وقىتۋعا جولداما;
- جۇمىسقا ورنالاسۋعا نەمەسە كاسىپكەرلىك باستامانى دامىتۋعا جاردەمدەسۋ;
- ەكونوميكالىق ۇتقىرلىق سەرتيفيكاتتارىن بەرۋ.
بۇدان باسقا, وڭىرارالىق قونىس اۋدارۋعا جاردەم كورسەتەتىن جۇمىس بەرۋشىلەرگە تۇرعىن ۇيمەن قامتاماسىز ەتىلگەن جانە كەمىندە 2 جىل مەرزىمگە تۇراقتى جۇمىسقا قابىلدانعان ءاربىر قىزمەتكەر ءۇشىن 400 اەك مولشەرىندە جۇمىسقا ورنالاسۋعا بىرجولعى سۋبسيديا بەرىلەدى.
