سەنات دەپۋتاتى جانبولات جورگەنباەۆ الماتى وبلىسىنداعى كەگەن اۋدانىندا بولدى. سونىمەن قاتار ول قارقارا اۋىلىنداعى قىرعىزستانمەن مەملەكەتتىك شەكارا ايماعىندا بولىپ, وتكىزۋ بەكەتىن تەكسەردى.
«شەكارالاس اۋدانداردا جۇيەلى دامۋ قادامدارىن جاساۋ كەرەك. ساپالى جول, سۋمەن جابدىقتاۋ جانە زاماناۋي وتكىزۋ بەكەتتەرى – جايلى ءومىردىڭ كورىنىسى ەمەس, قاۋىپسىزدىك پەن بولاشاق دامۋدىڭ ماسەلەسى. مۇنداي مىندەتتەردى مەملەكەتتىك دەڭگەيدە شەشۋ قاجەت», دەپ اتاپ ءوتتى ج.جورگەنباەۆ.
دەپۋتات سونداي-اق «كوكپەك–كەگەن–تۇپ» جانە «جالاعاش–كولساي–ساتى» جولدارىنىڭ جاي-كۇيىمەن تانىستى. بۇل باعىتتار تاۋلى اۋىلدارعا بارعاندا جانە ءتۋريزمدى دامىتۋدا اسا ماڭىزدى. سەناتور سۋ رەسۋرستارىن ءتيىمدى پايدالانۋ جانە اۋىل شارۋاشىلىعىن قولداۋعا كومەكتەسەتىن سۋارۋ جانە درەناجدىق نىساندارعا دا باردى.
ال سەناتور تالعات ءجۇنىسوۆ اقمولا وبلىسىنداعى شورتاندى جانە زەرەندى اۋداندارىنىڭ تۇرعىندارىمەن كەزدەستى. ول الدىمەن شورتاندى اۋدانىنداعى بوزايعىر اۋىلىندا 300 ورىندىق دەنە شىنىقتىرۋ-ساۋىقتىرۋ كەشەنىنىڭ قۇرىلىسىمەن تانىستى. بۇدان سوڭ دەپۋتات جەرگىلىكتى جالپى ءبىلىم بەرەتىن مەكتەپتە بولىپ, پەداگوگيكالىق ۇجىممەن كەزدەستى. سەناتور اۋىلدى دامىتۋدا سپورت پەن ءبىلىم بەرۋدەن باستاپ ينجەنەرلىك ينفراقۇرىلىمعا دەيىن كەشەندى كوزقاراس قاجەت ەكەنىن اتاپ ءوتتى.
زەرەندى اۋىلىندا بولعان كەزدە دەپۋتات اۋدانى 1 379 شارشى مەتر, قۇنى 1 ملرد تەڭگەدەن اساتىن جاڭا تاريحي-ولكەتانۋ مۇراجايىنىڭ قۇرىلىسىمەن تانىستى. كوكتەرەك اۋىلىندا ۇزىندىعى 13,5 كم سۋ قۇبىرى مەن سۋ جيناۋ جەلىسىن سالۋ بويىنشا جۇمىستى كورىپ شىقتى.
سەنات دەپۋتاتتارى نۇرلان بەكنازاروۆ پەن ايگۇل قاپباروۆا شىمكەنت قالاسىنىڭ تۇرعىندارىمەن, قوعامدىق كەڭەس مۇشەلەرىمەن جانە قالالىق ءماسليحات دەپۋتاتتارىمەن بىرقاتار كەزدەسۋ وتكىزدى.
«سەنات پەن ءماسليحاتتاردىڭ بىرلەسكەن جۇمىسى وڭىرلەردىڭ الدىندا تۇرعان ەڭ وزەكتى ماسەلەلەردى ۋاقتىلى انىقتاۋعا جانە شەشۋگە مۇمكىندىك بەرەدى. مەملەكەت باسشىسى قاسىم-جومارت توقاەۆ العا قويعان مىندەتتەردى بيلىكتىڭ بارلىق دەڭگەيىنىڭ ءوزارا تىعىز ءىس-قيمىلى ارقاسىندا عانا ءتيىمدى ىسكە اسىرۋعا بولادى», دەدى ن.بەكنازاروۆ.
سونداي-اق سەناتورلار شىمكەنتتە ازاماتتاردى جەكە قابىلدادى. وندا تۇرعىندار ازاماتتاردىڭ قۇقىقتارىن قورعاۋ, سوت ورىنداۋشىلارىنىڭ قىزمەتى, قارىزداردى قايتارۋ جانە ءىس جۇرگىزۋ ەرەجەسىن ساقتاۋ ماسەلەلەردى كوتەردى. سەناتورلار وتىنىشتەردى تىڭداپ, جەدەل ارەكەت ەتۋ ءۇشىن سالالىق مەملەكەتتىك ورگانداردىڭ وكىلدەرىن شاقىردى. ءاربىر جاعداي بويىنشا تاپسىرمالار بەرىلىپ, باقىلاۋعا الىندى. قالالىق قوعامدىق كەڭەستىڭ مۇشەلەرىمەن كەزدەسۋدە مەملەكەتتىك باعدارلامالاردى ىسكە اسىرۋعا مونيتورينگ جاساۋ جانە زاڭ شىعارۋ ۇدەرىسىنە قاتىسۋداعى ازاماتتىق قوعام ينستيتۋتتارىنىڭ ءرولى تالقىلان-دى. سەناتورلار قوعامدىق كەڭەستەردىڭ وكىلەتتىكتەرىن كەڭەيتۋ جانە قوعامدىق باقىلاۋ تەتىكتەرىنە قاتىستى زاڭناماداعى سوڭعى وزگەرىستەر تۋرالى ايتتى.
دەپۋتات سەرىك وتەشوۆ قاراعاندى وبلىسىندا وڭىرلىك دامۋدىڭ نەگىزگى ماسەلەلەرىنە ارنالعان بىرقاتار كەزدەسۋ وتكىزدى. اباي اۋدانىندا اگرارلىق سەكتوردى قولداۋ, قاراعاندىدا ءوڭىردى تسيفرلاندىرۋ جانە يننوۆاتسيالىق ترانسفورماتسيالاۋ ماسەلەلەرى تالقىلاندى. سەناتور اگرارشىلارمەن جانە اۋدان دەپۋتاتتارىمەن كەزدەسۋدە اۋىل شارۋاشىلىعى ماقساتىنداعى جەرلەردى نەعۇرلىم ءتيىمدى پايدالانۋ قاجەتتىگىن ايتتى. ال تۇرعىندار وتاندىق اگروونەركاسىپ ءوندىرىسىنىڭ باسەكەگە قابىلەتتىلىگىن ارتتىرۋعا مەملەكەتتىك سۋبسيديانى كوبەيتۋ قاجەتتىگىن جەتكىزدى.
سونداي-اق س.وتەشوۆ قاراعاندىدا «قولجەتىمدى ينتەرنەت» ۇلتتىق جوباسىن ىسكە اسىرۋ بارىسىمەن جانە ەلىمىزدىڭ جەتەكشى تسيفرلىق ورتالىقتارىنىڭ ءبىرى Terricon Valley ءىت-حابىنىڭ قىزمەتىمەن تانىستى. وڭىردە 342 اۋىلدىق ەلدى مەكەن بار, ونىڭ 94-ءى ءالى دە ينتەرنەتكە قوسىلماعان.
سونىمەن قاتار سەنات دەپۋتاتتارى ولگا پەرەپەچينا مەن اسەم راحمەتوۆانىڭ سولتۇستىك قازاقستان وبلىسىنداعى, سۇيىندىك الداشەۆتىڭ ماڭعىستاۋ وبلىسىنداعى ساپارلارى جالعاسىپ جاتىر.
