تىڭداۋ بارىسىندا سوتتالۋشى پەريزات قايرات جانە ونىڭ قورعاۋشىسى قىلمىستىق ءىستى جابىق تارتىپتە قاراۋ تۋرالى ءوتىنىش ءبىلدىردى.
پروكۋرور جابىرلەنۋشىلەردىڭ مۇددەسى ءۇشىن سوتتالۋشىلاردان جاۋاپ الۋ جانە قۇجاتتاردىڭ ءبىر بولىگىن جابىق فورماتتا زەردەلەۋ قاجەت ەكەنىن ايتتى, سەبەبى بۇل ماتەريالداردا قۇپيا جانە بانك قۇپياسىن قۇرايتىن مالىمەتتەر بار.
جابىرلەنۋشىلەردىڭ ءبىر بولىگى بۇل ءوتىنىشتى قاناعاتتاندىرۋدى سۇرادى, ال ەكىنشى بولىگى بۇل ماسەلەنى سوتتىڭ قاراۋىنا قالدىردى.
تاراپتاردىڭ ۋاجدەرىن تىڭداعاننان كەيىن سوت ءىستى اشىق تۇردە قاراۋعا شەشىم قابىلدادى. سونىمەن قاتار, باق وكىلدەرىنە سوت پروتسەسىنە قاتىسۋعا جانە فوتو, بەينەتۇسىرىلىم جاساۋعا رۇقسات بەرىلدى (سوتتالۋشىلاردىڭ فوتو جانە بەينەلەرىن تۇسىرۋگە قارسى بولعان جاعدايلاردان باسقا).
- وسىعان وراي, جابىرلەنۋشىلەردىڭ قۇپيا جانە بانك قۇپياسىن قۇرايتىن مالىمەتتەرىن ساقتاۋ ماقساتىندا سوتتالۋشىلاردان جاۋاپ الۋ جانە وسىنداي مالىمەتتەردى قاراۋ جابىق سوت وتىرىسىندا وتەتىن بولدى, دەلىنگەن حابارلامادا.
نەگىزگى سوت وتىرىسى 2024 جىلعى 14 شىلدەگە تاعايىندالدى.
