فوتو: ortcom.kz
جيىن بارىسىندا تاراپتار وڭىرلىك ءتۋريزمدى دامىتۋدىڭ وزەكتى ماسەلەلەرىن تالقىلاپ, تاجىريبە الماسۋ, بىرلەسكەن تۋريستىك باعىتتاردى دامىتۋ, تۋريستىك ينفراقۇرىلىمدى جەتىلدىرۋ جانە سالانى تسيفرلاندىرۋ باعىتىندا ىنتىماقتاستىقتى ودان ءارى كۇشەيتۋگە نيەتتى ەكەندىكتەرىن ءبىلدىردى.
ماڭىزدى كەزدەسۋدە قىتايداعى قازاقستان تۋريزم جىلىنىڭ قورىتىندىسىنا ايرىقشا نازار اۋدارىلدى. اتالعان باستاما اياسىندا 37 ءىرى ءىس-شارا ۇيىمداستىرىلىپ, قىتايدىڭ جەتەكشى تۋريستىك كومپانيالارمەن 200-دەن استام كەلىسىمگە قول قويىلدى. سونىڭ ناتيجەسىندە قىتايدان قازاقستانعا كەلگەن تۋريستەر سانى 78%-عا ارتتى.
«تۋريزم – شىۇ ەلدەرى اراسىنداعى گۋمانيتارلىق بايلانىستاردىڭ اجىراماس بولىگى. باسىم باعىتتار رەتىندە بىرلەسكەن مارشرۋتتار ازىرلەۋ, ۆيزالىق راسىمدەردى جەڭىلدەتۋ, سالانى تسيفرلاندىرۋ, جوعارى دەڭگەيدەگى قىزمەت كورسەتۋ مەن ءتۋريزمنىڭ تۇراقتى دامۋىن قامتاماسىز ەتەتىن بىلىكتى كادرلار دايارلاۋ مىندەتتەرى ايقىندالعان», دەدى تسم تۋريزم يندۋسترياسى كوميتەتى توراعاسىنىڭ ورىنباسارى ايدىن قاپاشەۆ.
جيىن قورىتىندىسى بويىنشا شىۇ-عا مۇشە مەملەكەتتەردىڭ تۋريستىك ساياساتىن ۇيلەستىرۋ جانە ءوزارا ءىس-قيمىلدى تەرەڭدەتۋگە باعىتتالعان حاتتاماعا قول قويىلدى.
