دروندار ارقىلى پاترۋلدەۋ جۇيەسى ەنگىزىلدى
جاعالاۋ بويىندا بەينەباقىلاۋ كامەرالارى ورناتىلعان. مىسالى, اقشي اۋىلىندا 44, كوكتۇمادا 9 باقىلاۋ كامەراسى ىسكە قوسىلادى. دروندار قۇقىق بۇزۋشىلىقتى انىقتاپ, جەدەل تۇردە ۋچاسكەلىك ينسپەكتورلارعا حابار بەرەدى.
سۋدى ورتاق پايدالانۋ ەرەجەلەرىن ساقتاۋ ماقساتىندا وبلىستا ارنايى ءتارتىپ بەكىتىلگەن. سۋ كولىكتەرىن باقىلاۋ ءۇشىن كولىكتىك باقىلاۋ ينسپەكتورلارىنىڭ سانى ارتتى. قازىردىڭ وزىندە 23 زاڭ بۇزۋشىلىق تىركەلىپ, 12 شاعىن كەمە ايىپ تۇراعىنا قويىلعان.
ء«بىزدىڭ باستى ماقساتىمىز – ايىپپۇل سالۋ ەمەس, دەمالۋشىلاردىڭ قاۋىپسىزدىگىن قامتاماسىز ەتۋ», دەيدى وبلىستىق كولىكتىك باقىلاۋ ينسپەكتسياسىنىڭ باسشىسى داستان جۇماقۇلوۆ.
قوعامدىق ءتارتىپ پەن مەديتسينا قىزمەتى قامتاماسىز ەتىلگەن
كول جاعالاۋلارىندا پوليتسيا قىزمەتكەرلەرى تاۋلىك بويى ءتارتىپتى قاداعالاپ, ارنايى پاترۋلدىك اۆتوەكيپاجدار جۇمىس ىستەۋدە. پوليتسيا دەپارتامەنتىنىڭ مالىمەتىنشە, وسى ماۋسىمدا ىشىمدىك ءىشۋ, رۇقساتسىز ساۋدا جاساۋ جانە تازالىقتى بۇزۋ سياقتى 28 قۇقىق بۇزۋشىلىق تىركەلگەن. وتكەن جىلمەن سالىستىرعاندا ءتارتىپ بۇزۋشىلىق ايتارلىقتاي ازايعان.
سونداي-اق اقشي اۋىلىندا تاۋلىك بويى جەدەل جاردەم, دارىگەرلىك امبۋلاتوريا مەن ءدارىحانا جۇمىس ىستەيدى. وبلىس ورتالىعىنان كارديولوگ, تراۆماتولوگ سىندى دارىگەرلەر كەزەڭ-كەزەڭىمەن ىسساپارعا جىبەرىلىپ تۇرادى.
الاكول جاعالاۋىندا 22 سانيتارلىق-گيگيەنالىق توراپ پەن 180 قوقىس كونتەينەرى ورناتىلىپ, تازالىق شارالارى جۇيەلى تۇردە جۇرگىزىلىپ جاتىر.
