- باكۋدە شاحماتتان جاس ورەندەر اراسىندا وتكەن الەم كۋبوگىندە جەرلەستەرىمىز ەكى رەت جەڭىس تۇعىرىنا كوتەرىلدى. 8 جاسقا دەيىنگى ويىنشىلار سايىسىندا اليشا بايساليەۆا الدىنا جان سالماي, التىننان القا تاقتى. ول فينالدا رەسەيلىك ۆارۆارا ۆولكوۆانى ۇتتى. ءدال سول جاستاعىلاردىڭ جارىسىندا ءادينۇر ادىلبەك قولا جۇلدەگە قول جەتكىزدى. ءۇشىنشى ورىن ءۇشىن تارتىستا قانداسىمىز رەسەيدىڭ تاعى ءبىر وكىلى باگدان كالينيندى قاپى قالدىردى.
- يتاليانىڭ لوناتو-دەل-گاردەدا قالاسىندا ستەند اتۋدان الەم كۋبوگى باستالدى. جارىسقا 73 مەملەكەتتەن كەلگەن 500-دەن استام مەرگەن قاتىسادى. ءدۇبىرلى دودادا ەلىمىزدىڭ تۋى استىندا اسىلحان ايسالباەۆ, بوگدان كونچەنكو, نيكيتا مويسەەۆ, مارك پوچيۆالوۆ, اناستاسيا پريلەپينا, ايجان دوسماعامبەتوۆا, ماكسيم پوچيۆالوۆ, ولگا حايلوۆا, اناستاسيا مولچانوۆا, ولگا پانارينا, ديانا سابەكوۆا, ادەل ساداقباەۆا, يليا پەنكوۆ, دانيل سترەلتسوۆ, ەدۋارد ەششەنكو سىندى سپورتشىلار باق سىنايدى.
- بوكستان وليمپيادا, الەم چەمپيونى دانيار ەلەۋسىنوۆ كاسىپقوي رينگتەگى كەلەسى جەكپە-جەگىن 19 شىلدەدە ۆاشينگتوندا وتكىزەدى. اقش استاناسىندا ول دجەيمس بەيكونمەن ايقاسادى. 30 جاستاعى ءفيليپپيننىڭ وكىلى 31 كەزدەسۋدىڭ 26-سىندا جەڭىسكە جەتىپ, بەسەۋىندە ۇتىلدى. بۇل – دانيار ءۇشىن UFC-ءدىڭ پرەزيدەنتى دانا ۋايت پەن ساۋد ارابياسىنىڭ سپورت باسقارماسىنىڭ باسشىسى تۋركي ءال-اش شەيح جەتەكشىلىك ەتەتىن «TKO Boxing» كومپانياسىمەن كەلىسىمشارت جاساسقاننان كەيىنگى العاشقى باسەكە.
- فۋتزالدان كەلەسى جىلدىڭ 20 قاڭتارى مەن 7 اقپانى ارالىعىندا سلوۆەنيا, لاتۆيا, ليتۆادا وتەتىن ەۋروپا چەمپيوناتىنىڭ ىرىكتەۋ ءتۋرنيرىنىڭ پلەي-وفف سايىسىندا ەلىمىزدىڭ قۇراماسى يتاليامەن كۇش سىناسادى. بۇل كەزدەسۋ 15–24 قىركۇيەك ارالىعىندا ۇيىمداستىرىلادى.
