ءىس-شارانىڭ ماقساتى – شىعىس پەن باتىس اراسىنداعى مادەني بايلانىستاردى دامىتۋ, ۇلتتىق داستۇرلەردى ناسيحاتتاۋ جانە شىۇ ەلدەرى اراسىنداعى دوستىقتى نىعايتۋ.
فەستيۆالدە قازاقستان اتىنان «دارىن» مەملەكەتتىك جاستار سىيلىعىنىڭ لاۋرەاتتارى سادراددين بولات (Sadraddin) پەن رۋحيا بايدۇكەنوۆا قاتىستى.
اشىلۋ ءراسىمى جاستار ءان كەشى فورماتىندا ءوتىپ, شىۇ ەلدەرىنىڭ مادەني ارالۋاندىعىن ايشىقتادى. ساحنادا ارتىستەر پوپ, دجاز, وپەرا جانە اسپاپتىق مۋزىكا جانرلارى بويىنشا ونەر كورسەتتى.
2025 جىلدىڭ 7 شىلدەسىندە قىتاي حالىق رەسپۋبليكاسىندا شىۇ-عا مۇشە ەلدەردىڭ مادەنيەت مينيسترلەرىنىڭ ءححىى كەڭەسى ءوتتى. قازاقستان دەلەگاتسياسىن باستاعان مادەنيەت جانە اقپارات ءمينيسترى ايدا بالاەۆا ءىس-شارانىڭ جوعارى دەڭگەيدە ۇيىمداستىرىلعانىن اتاپ ءوتىپ, شىۇ-نىڭ مادەني ديالوگتى دامىتۋعا جانە گۋمانيتارلىق ىنتىماقتاستىقتى كەڭەيتۋگە ارنالعان ماڭىزدى حالىقارالىق الاڭعا اينالعانىن ايتتى.
