ەكىباستۇز قالاسىنا قاراستى سولنەچنىي كەنتىندەگى «شانداقسور» جاساندى كولىندە 4 شىلدە كۇنى ساعات 16.10 شاماسىندا 2009 جىلى تۋعان ەر بالا سۋعا باتىپ كەتكەن.
- بالا تىيىم سالىنعان جەردە سۋعا تۇسكەن. قازىرگى ۋاقىتتا ىزدەۋ بويىنشا جۇمىستار جالعاسۋدا. ىزدەۋ ءىس-شارالارىنا پاۆلودار وبلىسى توتەنشە جاعدايلار دەپارتامەنتىنىڭ جەدەل-قۇتقارۋ جاساعىنىڭ كۇشتەرى - 6 قىزمەتكەر, 2 بىرلىك تەحنيكا, 2 ءجۇزۋ قۇرالى, سونداي-اق ەحولوت تارتىلدى. قولايسىز اۋا رايى, اتاپ ايتقاندا ەكپىندى جەل مەن كول بەتىندەگى ۇلكەن تولقىندار كوپ قيىندىق تۋدىرىپ تۇر.سوعان قاراماستان سۇڭگۋىرلەر جۇمىستارىن جالعاستىرۋدا,-دەپ حابارلادى وڭىرلىك توتەنشە جاعدايلار دەپارتامەنتىنىڭ ءباسپاسوز قىزمەتىنەن.
توتەنشە جاعداي قىزمەتىنىڭ ماماندارى جابدىقتالماعان جەرلەردە شومىلۋ وتە قاۋىپتى ەكەنىن ەسكەرتەدى. سۋداعى قاۋىپسىزدىك ەرەجەلەرىن ساقتاۋ – ادام ءومىرى مەن دەنساۋلىقتى ساقتاۋدىڭ كەپىلى.
