بۇل – ەڭبەگى كوپشىلىككە كورىنبەسە دە, ءاربىر تۇرعىننىڭ كۇندەلىكتى ومىرىندە اسا ماڭىزدى ءرول اتقاراتىن ماماندارعا دەگەن قۇرمەت پەن العىس ءرامىزى. قالا كۇنىنە وراي اشىلۋىنىڭ ءمانى دە سونى مەڭزەيدى.
جوبا اياسىندا جول بولىگى كەڭەيتىلىپ, 70 كولىككە ارنالعان اۆتوتۇراق, 33 جارىق شام, 18 جيىنتىق ورىندىق پەن قوقىس جاشىگى ورناتىلدى. سونىمەن قاتار بالالار مەن سپورت الاڭدارى, ۆوركاۋت ايماعى, 7 جاتتىعۋ قۇرىلعىسى جابدىقتالدى.
2018 جىلى قالانىڭ 20 جىلدىعى مەن «استانا سۋ ارناسى» كاسىپورنىنىڭ 60 جىل-
دىعىنا وراي ورناتىلعان «سۋ ارناسى» مونۋمەنتى دە كورنەكتى ورىنعا اۋىستىرىلىپ, قايتا ورنالاستىرىلدى.
«سالا ارداگەرلەرىنە – وسى ءىستىڭ باستاۋىندا تۇرعان, ءبىلىمى مەن تاجىريبەسىن كەيىنگى ۇرپاققا مۇرا ەتكەن جاندارعا ەرەكشە العىس ءبىلدىردىم. بۇل اللەيا – ەلوردا تىرشىلىگىنىڭ ۇزدىكسىز جۇمىسىن قامتاماسىز ەتىپ جۇرگەن قاراپايىم ەڭبەك يەلەرىنىڭ ەڭبەگىنە دەگەن ريزاشىلىقتىڭ ناقتى كورىنىسى», دەدى استانا قالاسى ءماسليحاتىنىڭ توراعاسى تابيعات زەينۇلقابدەن.
