بۇل تەحنولوگيا مرت نەمەسە كت دەرەكتەرىن ناقتى ۋاقىتتاعى ۋدز كەسكىندەرىمەن بىرىكتىرىپ, كۇدىكتى وشاقتان ءدال ءتىن الۋعا جاعداي جاسايدى. جاڭا ءتاسىل اسىرەسە كۇردەلى نەمەسە ۋدز-دە كورىنبەيتىن ىسىكتەرگە كۇدىك تۋعان جاعدايدا ماڭىزدى ءرول اتقارادى.
«بۇل ادىستەمەنى ەنگىزۋ ورتالىقتىڭ زاماناۋي مەديتسينالىق قۇرال-جابدىقتارمەن جابدىقتالۋىنىڭ ارقاسىندا مۇمكىن بولدى. بىزدە ۋلترادىبىستىق زەرتتەۋدىڭ سوڭعى ۇلگىدەگى سكانەرلەرى بار. ولار وسىنداي كۇردەلى, بىراق وتە قاجەتتى تەحنولوگيانى قولدانۋعا جول اشادى», دەيدى ۋدز جانە فۋنكتسيونالدىق دياگنوستيكا ورتالىعىنىڭ مەڭگەرۋشىسى, جوعارى ساناتتى دارىگەر, مەديتسينا ماگيسترى دامەش ورازباەۆا.
فيۋجن-بيوپسيا دەگەن نە؟
بۇل ادىستە مرت نەمەسە كت ارقىلى الدىن الا تۇسىرىلگەن سۋرەتتەر ناقتى ۋاقىتتاعى ۋدز كەسكىنىمەن بىرىكتىرىلەدى. وسىلايشا دارىگەر كۇدىكتى ىسىكتى ناقتى انىقتاپ, ينە ارقىلى ءدال سول جەردەن ءتىن الادى. بۇل – قاتەنى ازايتىپ, دياگنوزدى ناقتىلاۋعا كومەكتەسەدى.
«بۇل ءادىستىڭ باستى ارتىقشىلىعى – جوعارى دالدىك پەن اسقىنۋلاردىڭ سيرەك كەزدەسۋى. اسىرەسە, تەرەڭ ورنالاسقان نەمەسە ۋدز-دە جاقسى كورىنبەيتىن ىسىكتەردى انىقتاۋدا وتە ءتيىمدى», دەيدى شاقىرىلعان مەنتور, ونكولوگ دارىگەر ۆيكتوريا ششەربينا.
فيۋجن-بيوپسيا كەلەسى جاعدايلاردا قولدانىلادى:
- ۋدز-دە كورىنبەيتىن باۋىر ىسىكتەرىنە كۇدىك تۋىنداعاندا;
- قۋىقاستى بەزى قاتەرلى ىسىگىنىڭ كۇردەلى تۇرلەرىندە.
قۋىقاستى بەزىنىڭ كلاسسيكالىق بيوپسياسى (كەمىندە 12 ۇلگى الۋ) شامامەن 30% جاعدايدا جالعان تەرىس ناتيجە بەرۋى مۇمكىن. ال فيۋجن-بيوپسيا ءادىسى مرت ارقىلى كۇدىك تۋدىرعان ناقتى ايماقتان ماتەريال الۋعا مۇمكىندىك بەرەدى.
ايتا كەتۋ كەرەك, بۇل ادىستەمە تەك تەحنيكالىق قۇرالداردى عانا ەمەس, سونىمەن قاتار جوعارى دەڭگەيلى بىلىكتىلىكتى تالاپ ەتەدى.
دارىگەر ۋدز, كت جانە مرت سالالارىنداعى ءبىلىمدى سينتەزدەي الۋى كەرەك, سونداي-اق كەڭىستىكتىك ويلاۋ قابىلەتى بولۋى قاجەت. ۇعوو ماماندارى ءتيىستى وقىتۋدان ءوتىپ, بۇل ءادىستى سەنىمدى تۇردە قولدانا باستادى. ەندى باۋىر مەن قۋىقاستى بەزى وبىرىن دياگنوستيكالاۋدا فيۋجن-بيوپسيانى كلينيكالىق تاجىريبەگە تۇراقتى تۇردە ەنگىزۋ جوسپارلانىپ وتىر.
