م.اشىمباەۆ وبلىستىڭ ءماسليحات دەپۋتاتتارىمەن كەزدەسۋدە مەملەكەت باسشىسى باستاماشى بولعان رەفورمالاردىڭ ىسكە اسىرىلۋىن زاڭنامالىق تۇرعىدان ساپالى قامتاماسىز ەتۋ ءۇشىن پالاتا مەن جەرگىلىكتى وكىلدى ورگانداردىڭ ءوزارا ءىس-قيمىلىن ودان ءارى ارتتىرۋ ماڭىزدى ەكەنىن اتاپ ءوتتى. پرەزيدەنت ءوز جولداۋىندا جانە بارلىق دەڭگەيدەگى ءماسليحاتتار دەپۋتاتتارىنىڭ ءىى رەسپۋبليكالىق فورۋمىندا وبلىستاردى وركەندەتۋ, ەكونوميكانى ءارتاراپتاندىرۋ, وڭدەۋ ونەركاسىبى مەن اۋىل شارۋاشىلىعىن دامىتۋ ءۇشىن ءتيىستى جاعداي جاساۋ قاجەتتىگىنە ەرەكشە نازار اۋداردى.
سەنات توراعاسى اتاپ وتكەندەي, جامبىل وبلىسى – قازىرگى تاڭدا ەكونوميكاسى تۇراقتى ءوسىپ كەلە جاتقان وڭىرلەردىڭ ءبىرى. ايماقتىڭ وسىنداي الەۋەتىن بەلسەندى ىسكە اسىرۋ جولىندا دەپۋتاتتار مەن جۇرتشىلىق بىرلەسىپ كۇش جۇمىلدىرۋعا ءتيىس. بۇل رەتتە ونەركاسىپتىك ءوندىرىستى ۇلعايتۋعا, شاعىن جانە ورتا بيزنەستى دامىتۋعا باعىتتالعان تەتىكتەر مەن جوبالار ايرىقشا مانگە يە.
«پرەزيدەنت قاسىم-جومارت توقاەۆ ينۆەستيتسيا تارتۋعا جانە جاڭا تەحنولوگيانى ەنگىزۋگە قاتىستى ناقتى مىندەتتەر جۇكتەدى. وسى باسىمدىقتاردى جۇزەگە اسىرۋ اياسىندا بۇگىندە وڭىرلەردە جاڭا كاسىپورىندار ىسكە قوسىلىپ, جۇمىس ورىندارى اشىلىپ جاتىر. قازىرگى تاڭدا جامبىل وبلىسىندا وڭدەۋشى ونەركاسىپ, اۋىل شارۋاشىلىعى, شاعىن جانە ورتا بيزنەس, الەۋمەتتىك ينفراقۇرىلىم سياقتى ماڭىزدى سالالار سەرپىندى دامىپ كەلەدى. دەنساۋلىق ساقتاۋ جانە ءبىلىم بەرۋ نىساندارى سالىنىپ, باسقا دا باعىتتاردا جۇيەلى جۇمىس جۇرگىزىلىپ جاتىر. سەنات الداعى ۋاقىتتا جامبىل وبلىسىنان سايلانعان جانە باسقا دا دەپۋتاتتارمەن بىرگە ءوڭىردىڭ جان-جاقتى دامۋىنا قولداۋ كورسەتە بەرەدى», دەدى پالاتا سپيكەرى.
سونىمەن قاتار م.اشىمباەۆ سەنات زاڭ شىعارۋ قىزمەتىنە ءماسليحات دەپۋتاتتارىن بەلسەندى جۇمىلدىرۋعا, وڭىرلەردەگى وزەكتى پروبلەمالاردى شەشۋگە جاردەمدەسۋگە باسا ءمان بەرىپ وتىرعانىن تىلگە تيەك ەتتى. وسىعان بايلانىستى پالاتا جەرگىلىكتى وكىلدى ورگاندارمەن بىرنەشە باعىتتاعى تىعىز جۇمىستى ءارى قاراي جالعاستىرا بەرەدى. سەنات توراعاسى ءوزارا ءىس-قيمىلدى ودان ءارى نىعايتۋ ءۇشىن ورتاق كۇش-جىگەر مەن كەشەندى تاسىلدەردى قاجەت ەتەتىن الداعى نەگىزگى مىندەتتەرگە دە توقتالىپ ءوتتى.
«سەناتتىڭ جەرگىلىكتى وكىلدى ورگاندارمەن ءوزارا ءىس-قيمىل جاساۋ جونىندەگى كەڭەسىنىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆ بەلگىلەپ بەرگەن مىندەتتەر تالقىلانىپ, ءماسليحاتتاردى ودان ءارى نىعايتۋ ماسەلەلەرى قارالدى. جالپى, ءماسليحاتار وڭىرلەردى دامىتۋ جانە مەملەكەت باسشىسىنىڭ رەفورمالارىن ىسكە اسىرۋ جولىنداعى ماڭىزدى ينستيتۋتتاردىڭ ءبىرى بولۋعا ءتيىس. ازاماتتارىمىزدىڭ ءومىر ءسۇرۋ ساپاسىن جاقسارتۋ جانە ەلىمىزدىڭ دامۋىنا جاعداي جاساۋ – ءبىزدىڭ ورتاق ماقساتىمىز. وسى جولدا سىزدەردىڭ يدەيالارىڭىز بەن ۇسىنىستارىڭىز زاڭ شىعارۋ ۇدەرىسىن جەتىلدىرۋگە ەلەۋلى ۇلەس قوسىپ, وڭىرلەردى وركەندەتۋگە قاتىستى ماسەلەلەردى ءتيىمدى شەشۋگە ىقپال ەتەدى دەپ سەنەمىن», دەدى م.اشىمباەۆ.
ساپار اياسىندا سەناتورلار جامبىل وبلىسىنىڭ دارىندى جانە بەلسەندى جاستارىمەن جۇزدەستى. وندا پرەزيدەنت باستاماسىمەن ىسكە اسىرىلىپ جاتقان جاستاردى قولداۋعا ارنالعان ۇلتتىق باعدارلامالار مەن زاڭنامالىق شارالار اڭگىمەگە ارقاۋ بولدى. م.اشىمباەۆ ءوز سوزىندە جاس بۋىننىڭ ەلدى جاڭعىرتۋدا ەلەۋلى ءرول اتقاراتىنىن ايتىپ, قازىرگى تاڭدا جاڭا كوزقاراستار, عىلىمي ىزدەنىستەر, ءتىل ۇيرەنۋ, زاماناۋي تسيفرلىق تەحنولوگيالاردى زەردەلەۋ, جاسامپاز قۇندىلىقتار مەن پروگرەسسيۆتى يدەيالاردى ءسىڭىرۋ اسا ماڭىزدى ەكەنىنە نازار اۋداردى.
ء«بىز قازىر ءبىلىم جانە عىلىم زامانىندا, يننوۆاتسيالىق تەحنولوگيالار مەن تىڭ جاڭالىقتار داۋىرىندە ءومىر ءسۇرىپ جاتىرمىز. وسى كەزەڭدە ەلىمىزدە ءوزىن-ءوزى دامىتۋعا, جاڭا داعدىلاردى مەڭگەرۋگە, قابىلەتتى شىڭداۋعا, ءبىلىم كوكجيەگىن كەڭەيتۋگە, ونىڭ ىشىندە ونلاين-وقۋعا بارلىق جاعداي جاسالعان. مۇنداي مۇمكىندىكتى قۇر جىبەرمەۋ كەرەك. سونداي-اق جەكە تۇلعا رەتىندە قالىپتاسۋدىڭ تاعى ءبىر ماڭىزدى تەتىگى – دۇرىس قۇندىلىقتاردى بويعا ءسىڭىرۋ. پرەزيدەنت قاسىم-جومارت توقاەۆ ۇسىنعان «ادال ازامات» تۇجىرىمداماسى وسىنداي قاعيداتتارعا تابان تىرەيدى. سوندىقتان, ەڭ الدىمەن, ماتەريالدىق ەمەس, ينتەللەكتۋالدىق كاپيتال جيناۋعا كۇش جۇمساپ, ۇزدىكسىز ءبىلىم الۋدى ادەتكە اينالدىرۋ قاجەت», دەدى م.اشىمباەۆ.
سەنات توراعاسى پالاتانىڭ جاستاردى قولداۋ باعىتىنداعى جۇمىستارى جونىندە دە ايتىپ ءوتتى. بۇل رەتتە جاس بەلسەندى ازاماتتاردى مەملەكەتتىك باسقارۋ سالاسىنا تارتۋدىڭ جانە ءتيىستى جوبالار مەن زاڭناماعا وزگەرىستەر ەنگىزۋ ارقىلى ولاردىڭ الەۋەتىن ارتتىرۋدىڭ ماڭىزى زور ەكەنى انىق. كەزدەسۋدە سەنات جانىنداعى ساراپشىلار كلۋبى مەن «تالداۋ مەكتەبى» سياقتى قوعامدىق جوبالار وسى ماقساتتى كوزدەيتىنى ايتىلدى.
سونىمەن قاتار پالاتا سپيكەرى وبلىستىق الەۋمەتتىك وڭالتۋ ورتالىعىنا بارىپ, ونىڭ قىزمەتىمەن تانىستى. مۇندا 18 جاستان اسقان ءبىرىنشى جانە ەكىنشى توپتاعى مۇگەدەكتىگى بار ادامدارعا جانە قارتتىعىنا بايلانىستى وزىنە قىزمەت كورسەتە المايتىن جاندارعا ءتيىستى جاعداي جاسالعان.
وڭىرگە ساپار بارىسىندا سەنات دەپۋتاتتارى بايزاق اۋدانىندا ورنالاسقان «مەيىرىم» بالاباقشاسىنا دا باردى. اۋىل تۇرعىندارىنىڭ ءومىر ءسۇرۋ ساپاسىن ارتتىرۋعا ارنالعان «اۋىل اماناتى» باعدارلاماسىن ىسكە اسىرۋ اياسىندا جابدىقتالعان نىسان 25 ادامدى جۇمىسپەن قامتۋعا مۇمكىندىك بەردى. بۇگىندە اتالعان بالاباقشاعا اۋىلداعى 125 بالا بارادى.
سەناتورلار «JS GLASS» شىنى زاۋىتىنىڭ جانە اۋىل شارۋاشىلىعىنا ارنالعان فتورسىزداندىرىلعان فوسفات وندىرەتىن «مينەرالدى تىڭايتقىشتار» كاسىپورنىنىڭ ۇجىمدارىمەن دە كەزدەستى.
