فوتو: ەڭبەك جانە حالىقتى الەۋمەتتىك قورعاۋ مينيسترلىگى
بۇگىندە الەۋمەتتىك ينسپەكتورلاردىڭ قىزمەتى وڭ ناتيجە بەرىپ وتىر. ماسەلەن, ەڭبەك جانە الەۋمەتتىك قورعاۋ مينيسترلىگىنىڭ رەسمي مالىمەتتەرىنە سايكەس, 2025 جىلدىڭ باسىنان بەرى الەۋمەتتىك ينسپەكتورلار 430 تەكسەرۋ جۇرگىزگەن. ونىڭ 201-ءى جوسپاردان تىس, 99-ى پروفيلاكتيكالىق باقىلاۋ شەڭبەرىندە, 130-ى پروكۋراتۋرانىڭ تالابىمەن جۇرگىزىلدى. تەكسەرۋ بارىسىندا انىقتالعان بۇزۋشىلىقتاردى جويۋ تۋرالى 192 ۇيعارىم بەرىلدى, 28,8 ملن تەڭگەدەن استام سوماعا 341 ايىپپۇل سالىندى.
مەملەكەتتىك باقىلاۋمەن 17 اكىمدىك, 86 جەرگىلىكتى اتقارۋشى ورگانداردىڭ بولىمدەرى مەن باسقارمالارى, 47 مەملەكەتتىك مەكەمە, 16 بالاباقشا, 52 مەكتەپ, 9 كوللەدج, ليتسەيلەر, 21 اۋرۋحانا, ەمحانالار, 18 ارناۋلى الەۋمەتتىك قىزمەت كورسەتۋ ورتالىقتارى, 33 اۆتوبۋس پاركتەرى, اۆتو/تەمىر جول ۆوكزالدارى, اۋەجايلار, 34 دۇكەن, 5 ساۋدا ۇيلەرى, 11 كافەلەر, مەيرامحانالار, قوناق ۇيلەر, 1 پوليتسيا پۋنكتى, 5 ستوماتولوگيا, 1 كىتاپحانا, 7 مادەنيەت ۇيلەرى, 2 ارحيۆتەر مەن مۋزەيلەر, 3 ساناتوري, 2 پوشتا قىزمەتى بولىمشەسى, 10 سپورت مەكتەپتەرى, 1 نوتاريۋس, 6 بانك, 2 وڭالتۋ ورتالىعى, وزگە دە 23 نىسان قامتىلدى.
ءبىر عانا مىسال, حالىقتى الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتىنىڭ پاۆلودار وبلىسى بويىنشا دەپارتامەنتى جەكە تۇلعانىڭ ءوتىنىشى نەگىزىندە «پاۆلودار وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى» مم-نە كوميسسيانىڭ قابىلداۋ ءتارتىبىن ساقتاۋى, الەۋمەتتىك قىزمەتتەر پورتالىندا جەتكىزۋشىلەردى تىركەۋ, تىركەۋدەن شىعارۋ ماسەلەسى جونىندە جوسپاردان تىس تەكسەرۋ جۇرگىزدى. تەكسەرۋ قورىتىندىسى بويىنشا سۋبەكتىگە ۇيعارىم شىعارىلدى. بۇل رەتتە, الەۋمەتتىك ينسپەكتورلاردىڭ ايتۋىنشا, وڭىردە مۇگەدەكتىگى بار ادامدارعا الەۋمەتتىك ينفراقۇرىلىمدى بەيىمدەۋدە وڭ وزگەرىستەر بار. مۇنى ەرەكشە قاجەتتىلىكتەرى بار ادامدار دا راستاپ وتىر.
«№3, №4 قالالىق ەمحانالاردىڭ اۋماعىندا مۇگەدەكتەرگە ارنالعان كولىكتەر تۇراعى بار, كىرەبەرىس پاندۋستارمەن جابدىقتالعان. ەمحانا عيماراتتارىنىڭ كىرەبەرىسىنە كوزى ناشار كورەتىندەر ءۇشىن منەموسحەمالار, عيماراتتاردىڭ وزىندە تاكتيلدى جولاقتار, مۇمكىندىگى شەكتەۋلى جاندارعا ارنالعان سانيتارلىق-تۇرمىستىق بولمەلەر قاراستىرىلعان. «بايانتاۋ» سپورت سارايى, «اۆتوموبيليست» سپورت كەشەنى, «Olimpic» باسسەينىندە ەرەكشە قاجەتتىلىكتەرى بار ادامداردىڭ سپورتپەن شۇعىلدانۋىنا بارلىق جاعداي جاسالعان», دەيدى پاۆلودار قالاسىنىڭ تۇرعىنى, ءبىرىنشى توپتاعى مۇگەدەك يۋليا پەترۋسەۆا.
ايتا كەتۋ كەرەك, پروفيلاكتيكالىق باقىلاۋدى جۇزەگە اسىرۋ بارىسىندا العاشقى بۇزۋشىلىق انىقتالعان جاعدايدا مەنشىك يەلەرىنە الدىمەن ولاردى جويۋ تۋرالى ۇيعارىم شىعارىلادى. بەلگىلەنگەن مەرزىمدە ۇيعارىم جويىلماعان جاعدايدا, سوت تارتىبىمەن ايىپپۇل سالۋ جۇزەگە اسىرىلادى.
