بۇگىندە باس پروكۋراتۋرا مەملەكەت باسشىسى جاريالاعان بەس ينستيتۋتتىق رەفورما «100 ناقتى قادام» ۇلت جوسپارىن جۇزەگە اسىرۋ بويىنشا ماقساتتى تۇردە جۇمىس جۇرگىزۋدە. بۇل ورايدا قاداعالاۋ ورگانىنىڭ ماماندارى مەملەكەتتىك باسقارۋ, سوت تورەلىگى, سونداي-اق, زاڭ ۇستەمدىگى قاعيداسىن قامتاماسىز ەتۋ بويىنشا ازىرلەنگەن ۇسىنىستارىن جاڭعىرتۋ جونىندەگى ۇلتتىق كوميسسيا ماقۇلداعان كورىنەدى. اتاپ ايتقاندا, القابيلەر ينستيتۋتىن جەتىلدىرۋ, تەرگەۋ ارەكەتتەرىنە سانكتسيا بەرۋ جونىندەگى پروكۋراتۋرانىڭ قىزمەتىن بىرتىندەپ تەرگەۋ سۋديالارىنا بەرۋ, ازاماتتىق-قۇقىقتىق داۋلاردىڭ جەكەلەگەن ساناتتارى بويىنشا پروكۋرورلاردىڭ سوتقا قاتىسۋىن قىسقارتۋ جونىندە ۇسىنىستار ەنگىزىلدى.
سونىمەن قاتار, باس پروكۋرور اتاپ وتكەندەي, كوزدەلگەن ماقساتتاردى كوپشىلىكتىڭ قاتىسۋىنسىز جانە ولاردىڭ قولداۋىنسىز ءتيىمدى جۇزەگە اسىرۋ مۇمكىن ەمەس. كوپ جاعدايدا تۇپكى ناتيجە رەفورمالاردىڭ نەگىزىنە الىنعان يدەيالاردى حالىقتىڭ قابىلداۋىنا جانە ولاردى قولداۋىنا ساي كورىنىس تابادى. سوندىقتان ءبىزدىڭ ازاماتتاردىڭ وسى جۇمىسقا بەلسەندى قاتىسقاندارى ماڭىزدى بولىپ تابىلادى.
ال بۇل تالاپتاردى جۇزەگە اسىرۋ ماقساتىندا كۇنى كەشە عانا «قۇقىق قورعاۋ ورگاندارىن رەفورمالاۋ» اتتى ينتەرنەت-سايت ىسكە قوسىلدى (www.rpo.kz). وندا كەز كەلگەن ازامات قۇقىق قورعاۋ جۇيەسىن رەفورمالاۋ جانە زاڭنامانى جەتىلدىرۋ بويىنشا ءوز ۇسىنىستارىن قالدىرا الادى.
اتالعان ينتەرنەت-پلاتفورمانى قۇرۋدىڭ باستى ماقساتى – حالىقتى قۇقىق قورعاۋ ورگاندارىن جاڭعىرتۋ جونىندەگى جۇمىسقا تارتۋ, قۇقىقتىق جۇيەنى ساپالى جاڭارتۋ ماسەلەلەرىنە بەيجاي قارامايتىن ازاماتتاردىڭ بارلىعىمەن سىندارلى سۇحبات جاساۋ بولىپ تابىلادى
سايتتى پايدالانۋشىلارعا ءتيىمدى بولۋى ءۇشىن فورۋمدا ءۇش ءبولىم قاراستىرىلعان. ونىڭ العاشقىسى, ازاماتتاردىڭ قۇقىق قورعاۋ ورگاندارىنىڭ قىزمەتىنە قاتىستى رەفورمالاردى ىسكە اسىرۋ بويىنشا ۇسىنىستارىن جيناۋ بولسا, ەكىنشى بولىمدە ازاماتتار ۇلت جوسپارىنىڭ ورىندالۋىنا باعىتتالعان ۇلتتىق زاڭنامانى رەفورمالاۋ بويىنشا ۇسىنىستارىن قالدىرا الادى. ال, ءۇشىنشى بولىمدە حالىقارالىق الدىڭعى قاتارلى تاجىريبەنى ەسكەرە وتىرىپ قۇقىق قورعاۋ ورگاندارىنىڭ رەفورماسىن جۇرگىزۋ بويىنشا ۇسىنىستار جيناقتالىپ, تالقىلانادى. سايتتا جۇمىس ىستەۋ ءتارتىبى سول جەردەگى نۇسقاۋلىقتا انىق كورسەتىلگەن, وسىنى باسشىلىققا الا وتىرىپ ارنايى تاقىرىپ اشۋعا نەمەسە بۇرىن جاسالعان تاقىرىپتارعا پىكىر قالدىرۋعا بولادى, دەپ حابارلادى باس پروكۋراتۋرانىڭ ءباسپاسوز قىزمەتى.
