اۋەزوۆ شىعارماشىلىعى ۇلىقتالدى

سونداي-اق بۇل كونفەرەنتسيا م.اۋەزوۆ اتىنداعى ادەبيەت جانە ونەر ينستيتۋتىندا عجبم عك-ءنىڭ گرانتتىق قار­جى­لاندىرۋىمەن جۇزەگە اسىرىلىپ جاتقان «تۇركى ما­دەنيەتىندەگى مۇحتار اۋەزوۆ الەمى» اتتى جوباسى اياسىندا ۇيىمداستىرىلعانىن دا ايتا كەتەيىك.

كونفەرەنتسيا بارىسىندا م.اۋەزوۆ اتىنداعى ادەبيەت جانە ونەر ينستيتۋتى مەن كورنەكتى قازاق جازۋشىسىنىڭ مۇراجاي-ءۇيىنىڭ عالىمدارى ەۋروپالىق ارىپتەستەرىنە ون­شاقتى عىلىمي مونوگرافيا­سىن ۇسىندى. بۇل عىلىمي مونوگرافيالارداعى زەرتتەۋلەر مۇحتار اۋەزوۆتىڭ بۇرىن-سوڭدى جاريالانباعان, كوپ تانىستىرىلماعان ەڭبەك­تەرى مەن ارحيۆ دەرەكتەرىنە نەگىزدەلگەن. اتاپ ايتقاندا, عالىم گۇلزيا ءپىرالىنىڭ «مۇح­­­تار اۋەزوۆ جانە «ما­ناس» ەپو­سىن زەرتتەۋ ماسە­لە­­لەرى», «مۇحتار اۋەزوۆ جانە جامبىل» اتتى تىڭ مالى­مەتتەر نەگىزىندە جازىل­عان ەڭبەكتەرىندە ماناستانۋ, تۇركىتانۋ سالالا­رىنا قاتىستى بۇرىن ايتىل­ما­عان مالىمەتتەر بار. كون­فەرەن­تسيادان بولەك زيفا-الۋا اۋەزوۆانىڭ رە­داكتور­لى­عىمەن اكادەميك كەن­جەحان ماتىجانوۆ جانە گۇلزيا ءپىرالى, ديار قوناەۆ, ەر­­مەك قانىكەي, سالتانات امان­­تايقىزى سەكىلدى اۋەزوۆ­تانۋ­­شى عالىمداردىڭ مۇح­تار اۋەزوۆ پەن ونىڭ تۇركى الەمىن زەرتتەۋدەگى ءرولى زەر­دەلەنگەن ما­قالالارى توپ­تاستىرىلعان «Literary studies of Turkic. Kazakh and Central Asian perspectives» اتتى جيناق شىقتى. وتان­دىق عا­لىمداردىڭ بۇل جيناق­تارى­نان گوللانديالىق زەرت­تەۋشى­لەر تۇركولوگتەر مەن ادەبيەت­تانۋشىلاردىڭ كسرو كەزىندە جانە پوستكەڭەستىك كەڭىستىكتە قانداي زەرتتەۋلەرمەن اينالىس­قانىمەن تانىسا الادى.