كوپىر اۋىل ءىشىن ەكىگە ءبولىپ, جاياۋ جۇرگىنشىلەردىڭ قاۋىپسىزدىگىنە قاۋىپ ءتوندىرىپ وتىرعانى كوتەرىلدى. تۇرعىنداردىڭ ايتۋىنشا, اۋىل ورتاسىنان وتەتىن كۇرە جولدا جاياۋ جۇرگىنشىلەرگە ارنالعان قاۋىپسىز وتكەلدىڭ بولماۋى – جالپى حالىق ءۇشىن ۇلكەن قاتەر ءتوندىرىپ وتىر.
اتالعان ماسەلەگە بايلانىستى «قازاۆتوجول» اق اتىراۋ وبلىستىق فيليالىنىڭ وكىلدەرى مەن جول قۇرىلىسىن جۇزەگە اسىرعان «Todini» كومپانياسىنىڭ ماماندارى دا قاتىسىپ, حالىقتىڭ تالاپ-تىلەگىن تىڭدادى.
«Todini» كومپانياسىنىڭ اۋىلعا تۋننەل سالىپ بەرەمىز دەگەن ۋادەسىن ءالى كۇنگە ورىنداماعانىنا كەزدەسۋ بارىسىندا تۇرعىندار نارازىلىق ءبىلدىردى.
«جاياۋ جۇرگىنشىلەرگە ارنالعان تۋننەل نەمەسە اسپالى وتكەل سالۋ, جول بەلگىلەرى مەن قاۋىپسىزدىك ينفراقۇرىلىمىن ورناتۋ, سونداي-اق مەردىگەر كومپانيالاردىڭ ۋادەلەرىن ناقتى مەرزىمدە ورىنداۋىن قاداعالاۋ – جەرگىلىكتى عانا ەمەس, رەسپۋبليكالىق دەڭگەيدەگى ماڭىزدى ماسەلە. بۇل باعىتتا ناقتى جۇمىستار اتقارىلادى. قوعام تاراپىنان قويىلعان ورىندى تالاپتار نازاردان تىس قالمايدى. بۇگىنگى كەزدەسۋدە ايتىلعان ۇسىنىستار مەن سىن-ەسكەرتپەلەردىڭ ءبارى ءتيىستى مينيسترلىكتەر مەن مەكەمەلەرگە جولدانىپ, ناقتى باقىلاۋعا الىنادى», دەدى دەپۋتات سەرىك ەرۋباەۆ.
ءماجىلىس دەپۋتات اۋىل تۇرعىندارىنىڭ بەلسەندى ازاماتتىق ۇستانىمىنا ريزاشىلىعىن ءبىلدىرىپ, حالىقتىڭ ۇسىنىس-شاعىمدارى ءوز جۇمىسىندا ەسكەرىلەتىنىن جەتكىزدى.
س.ەرۋباەۆتىڭ كەلەسى كەزدەسۋى قۇرمانعازى اۋدانىندا جالعاسادى.
