جاپونيانىڭ اوشيما ارالى – مىسىقتارىمەن اتى شىققان شاعىن مەكەن. بۇل ارالدا بار-جوعى 22 ادام تۇرادى. ەسەسىنە مىسىقتاردىڭ قاراسى ادامنان كوپ. ولاردىڭ سانى جىلدان جىلعا كوبەيىپ كەلەدى.
وتكەن عاسىردىڭ 40-شى جىلدارى بۇل ارالدا 900-دەن اسا ادام تۇرعان ەكەن. الايدا, ەكىنشى دۇنيەجۇزىلىك سوعىس اياقتالعاننان كەيىن تۇرعىنداردىڭ كوبى جۇمىس ىزدەپ, جاپونيانىڭ ءار تۇكپىرىنە كەتكەن. قازىرگى ۋاقىتتا مىسىقتار ارالىندا 22 زەينەتكەر عانا تۇرادى.
جەرگىلىكتى تۇرعىنداردىڭ ايتۋىنشا, بۇل ارالدا مىسىقتار وسىدان جارتى عاسىر بۇرىن, ياعني, تۇپ-تۋرا ەلۋ جىل بۇرىن قاپتاپ كەتكەن تىشقانداردىڭ كوزىن جويۋ ءۇشىن اكەلىنگەن. تىشقاندار وسى ارالدىڭ بىردەن-ءبىر كۇنكورىس قۇرالى – بالىقشىلاردىڭ اۋىن ءبۇلدىرىپ كەتە بەرەتىن بولعان سوڭ ارالعا جيىرمادان اسا مىسىق الدىرعان. قازىر مۇندا مىسىقتاردى كورۋ ءۇشىن ارنايى الىستان ات باسىن بۇرىپ كەلەتىن تۋريستەردىڭ قاراسى كوپ.
جولدىباي بازار.
سۋرەت. Bnews.kz.
