فوتو: اشىق دەرەككوز
جول-كولىك وقيعاسى سالدارىنان ەكى بالا اۋىر جاراقات الىپ, وبلىستىق بالالار اۋرۋحاناسىنىڭ جانساقتاۋ بولىمىنە جاتقىزىلدى. سونداي-اق بالاباقشا تاربيەشىسىنىڭ كومەكشىسى دە اۋىر حالدە اۋرۋحاناعا جەتكىزىلگەن. قالعان ەكى بالاعا مەديتسينالىق كومەك كورسەتىلىپ, امبۋلاتورلىق باقىلاۋعا جىبەرىلدى.
وبلىستىق بالالار اۋرۋحاناسى باس دارىگەرىنىڭ ورىنباسارى گۇلنۇر وكسىكباەۆانىڭ ايتۋىنشا, جانساقتاۋ بولىمىنە تۇسكەن ەكى بالانىڭ ءحالى اۋىر ءارى تۇراقسىز. قازىرگى ۋاقىتتا دارىگەرلەر ولاردىڭ ءومىرى ءۇشىن كۇرەسىپ جاتىر.
«جول-كولىك وقيعاسى سالدارىنان جاراقات بولىمىنە 4 بالا كەلىپ ءتۇستى. ەكى بالانىڭ جاعدايى تۇراقتى, ولار تولىق تەكسەرۋدەن ءوتىپ, امبۋلاتورلىق ەم الۋعا جىبەرىلدى. قالعان ەكى بالانى جانساقتاۋ بولىمىنە جاتقىزدىق. بۇگىنگى تاڭدا ولار ءتيىستى ەم قابىلداپ جاتىر. جاعدايلارى اۋىر», دەدى گۇلنۇر وكسىكباەۆا.
قۇزىرلى ورگاندار قازىر جول اپاتىنىڭ ناقتى سەبەپتەرى مەن ءمان-جايىن انىقتاۋعا كىرىستى.
