بۇگىن ەلىمىزدىڭ بىرقاتار وڭىرىندە اۋا رايى بۇزىلادى

استانا. 19 ناۋرىز. بۇگىن ەلىمىزدىڭ كەي وڭىرلەرىندە جەل كۇشەيىپ, جاۋىن-شاشىن بولادى. بۇل تۋرالى «قازگيدرومەت» حابارلادى. «قازگيدرومەت» رمك تاراتقان مالىمەتكە سۇيەنسەك, ەلىمىزدىڭ كەيبىر جەرلەرىندە بۇرقاسىن بولۋى مۇمكىن. اقمولا جانە وڭتۇستىك قازاقستان وبلىستارىندا تاڭەرتەڭ جانە كۇندىز جەل ەكپىنى سەكۋندىنا 15-20 مەترگە دەيىن سوعادى. سونداي-اق, الماتى وبلىسىنىڭ جالاڭاشكول اۋدانىنىڭ كەي جەرلەرىن تۇندە تۇمان باسادى. جامبىل, قىزىلوردا, اقتوبە, ماڭعىستاۋ, اتىراۋ, باتىس قازاقستان, قاراعاندى, سولتۇستىك قازاقستان وبلىستارىندا تۇمان تۇسەدى. ال قوستاناي وبلىسىندا كەي جەرلەردە تاڭەرتەڭ جانە كۇندىز جەلدىڭ كۇشى 18 م/س بولادى دەپ كۇتىلۋدە. «شىعىس قازاقستان وبلىسىندا اۋا رايى بۇرقاسىنداتىپ, جەل كۇشەيۋى مۇمكىن. سونداي-اق, پاۆلودار وبلىسىندا كەي جەرلەردە كوكتايعاق بولۋى ىقتيمال», دەيدى «قازگيدرومەت» ماماندارى. ەلامان قوڭىر. دەرەك: «قازگيدرومەت» رمك. سۋرەت: galleryhip.com.