فوتو: ستەپنوگورسك قالاسىنىڭ اكىمدىگى
شاراعا 150-دەن استام ادام قاتىسقان. ولاردىڭ اراسىندا «جاسىل ەل» ەڭبەك جاساقتارىنىڭ ساربازدارى, قالالىق ءماسليحات دەپۋتاتتارى, مەملەكەتتىك ورگان وكىلدەرى, كوللەدج ستۋدەنتتەرى, قوعامدىق ۇيىم مۇشەلەرى مەن ەرىكتىلەر, سونداي-اق «ۆودوكانال» مەكەمەسىنىڭ قىزمەتكەرلەرى بولدى.
قاتىسۋشىلار «ماحاببات اللەياسىن» قوقىستان تازارتىپ, قالانىڭ ەكولوگيالىق مادەنيەتىنە ۇلەس قوسقان. تۇرعىنداردىڭ سۇيىكتى دەمالىس ورنى سانالاتىن بۇل اللەيانى تازا كۇيدە ساقتاۋ بارشاعا ورتاق جاۋاپكەرشىلىك ەكەنى اتاپ ءوتىلدى.
ءىس-شاراعا ارنايى كەلگەن قالا اكىمىنىڭ ورىنباسارى جاناسىل سابىر ۇلى قورشاعان ورتانى قورعاۋداعى ازاماتتىق بەلسەندىلىكتىڭ ماڭىزىن اتاپ ءوتتى. ول جاستاردىڭ بەلسەندىلىگىن جوعارى باعالاپ, مۇنداي باستامالاردىڭ ەكولوگيالىق مادەنيەتتى قالىپتاستىرۋداعى ءرولىن ەرەكشە اتادى.
ايتا كەتەيىك, «تازا قازاقستان» ەكولوگيالىق اكتسياسى جىل بويى جالعاسادى. قالا اۋماعىندا الداعى ۋاقىتتا بىرنەشە سەنبىلىك پەن تابيعاتتى قورعاۋعا باعىتتالعان ءىس-شارالار جوسپارلانعان.
