سەرجانتتار كورپۋسى قازاقستان اسكەرىندە شەشۋشى ءرول اتقارادى. ساربازداردىڭ جاۋىنگەرلىك داعدىلارى, ولاردىڭ مورالدىق جاعدايى جانە ءىس-ارەكەتتەگى ۇيلەسىمدىلىگى كىشى كومانديرلەرگە بايلانىستى. ولار ارقاشان ساربازداردىڭ جانىندا بولىپ, وفيتسەرلەرگە بولىمشەلەردى باسقارۋعا كومەكتەسەدى.
قازاقستاندا سەرجانتتاردى دايارلاۋ جۇيەسىن قالىپتاستىرۋ بىرنەشە كەزەڭنەن ءوتتى.
1996-2001 جىلدارى حالىقارالىق تاجىريبەگە باعدارلانعان كادەت كورپۋسى قۇرىلدى.
2001-2008 جىلدارى 3-ءشى, 2-ءشى, 1-ءشى سىنىپتى سەرجانت, «شتاب-سەرجانت», «شەبەر-سەرجانت» لاۋازىمدارى مەن اتاقتارى ەنگىزىلدى.
2008 جىلدان باستاپ دايىندىق جۇيەسى كوپ دەڭگەيلى بولدى. كاسىبي تۇرعىدا ءوسۋ ءۇشىن سەرجانتتار ۇنەمى بىلىكتىلىكتى ارتتىرۋ كۋرستارىنان وتەدى.
2012-2016 جىلدارى سەرجانتتىڭ اسكەري قىزمەتشى رەتىندەگى مارتەبەسى زاڭنامالىق تۇردە بەكىتىلدى. وسىعان سايكەس, ولار تەك باعىنىستىلاردى باسقارىپ قانا قويماي, وقىتىپ, تاربيەلەيدى.
بۇگىندە سەرجانتتاردى استاناداعى (ساعادات نۇرماعامبەتوۆ اتىنداعى) جانە ششۋچينسك قالاسىنداعى (شوقان ءۋاليحانوۆ اتىنداعى) قورعانىس مينيسترلىگىنىڭ اسكەري كوللەدجدەرىندە دايارلايدى. بيىل الماتىدا باۋىرجان مومىش ۇلى اتىنداعى اسكەري-سپورت كوللەدجى اشىلدى. وندا دەنە شىنىقتىرۋ نۇسقاۋشىلارى دايىندالادى.
قازاقستان سەرجانتتارى حالىقارالىق جارىستاردا وزدەرىنىڭ كاسىبيلىگىن ۇنەمى دالەلدەپ وتىرادى. مىسالى, سەرجانت اسلان دارحان مەن گۆارديا سەرجانتى راۋان توقتاربەكوۆ اريزونا شتاتى ۇلتتىق گۆاردياسىنىڭ جارىستارىندا جاقسى ناتيجە كورسەتتى. اسلان دارحان 800 مەترگە جۇگىرۋدە رەكورد ورناتتى, ال راۋان توقتاربەكوۆ ۇزدىك اتقىش اتاندى.
بۇگىنگى تاڭدا سەرجانتتار - اسكەري ءتارتىپتىڭ نەگىزى.
