ەلىمىزدە گەولوگيا جانە جەر قويناۋىن پايدالانۋ سالاسىندا تسيفرلىق ترانسفورماتسيا جالعاسىپ جاتىر.
– جاساندى ينتەللەكت كومەگىمەن جىل سوڭىنا دەيىن گەولوگيالىق ەسەپتەردى وڭدەۋ جانە گەولوگيالىق زەردەلەۋ بازاسىن قالىپتاستىرۋ بويىنشا ءتۇرلى جوبالاردى ىسكە اسىرۋ جوسپاردا بار. جاساندى ينتەللەكت سكانەرلەنگەن قۇجاتتى, ەسەپتى, كەستە مەن كارتانى تانيدى. بارلىق مالىمەت بازاعا جۇكتەلىپ, «Big Data» قالىپتاستىرادى. «Big Data» بولاشاقتا كەن ورىندارىن تابۋ ىقتيمالدىلىعىن بولجاۋ مەن باعالاۋعا ارنالعان دەرەكتەردى وڭدەۋدى اۆتوماتتاندىرادى, – دەدى ءجاننات ءدۇبىروۆا ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا.
ۆيتسە-ءمينيستردىڭ ايتۋىنشا, بىرىڭعاي پلاتفورمادا مەملەكەتتىك قىزمەتتەن بولەك, ەسەپتى ونلاين تاپسىرۋ فۋنكتسياسى دا قولجەتىمدى. بۇگىندە گەولوگيا جانە جەر قويناۋىن پايدالانۋ سالاسىنداعى 22 مەملەكەتتىك قىزمەت تسيفرلاندىرىلعان.
– بيىل جەر قويناۋىن پايدالانۋشىلار العاش تسيفرلىق فورماتتا ەسەپ تاپسىردى. سونىمەن قاتار قازىر 3 449 كەلىسىمشارت پەن ليتسەنزيا, اكىمدىكتەرمەن بىرلەسىپ 2 024 كەلىسىمشارت پەن ليتسەنزيا تسيفرلاندىرىلدى. بۇدان بولەك, ەندى قۇرىلىس بارىسىن باقىلاۋدى درون جانە جاساندى ينتەللەكت جۇيەلەرى جۇزەگە اسىرماق. درون بەلگىلەنگەن اۋماقتى اينالىپ ۇشىپ شىعادى, ال جاساندى ينتەللەكت ۇشۋ ناتيجەسى بەكىتىلگەن جوبالاۋ جوسپارىمەن سالىستىرىپ تەكسەرەدى. ەگەر سايكەسسىزدىك انىقتالسا, مالىمەت مەملەكەتتىك ارحيتەكتۋرا-قۇرىلىس باقىلاۋ كوميتەتىنە جولدانادى. قۇرىلىس سالاسىندا جاساندى ينتەللەكتىنى قولدانۋعا باعىتتالعان قاناتقاقتى جوبا جىل سوڭىنا دەيىن ىسكە قوسىلادى, – دەدى ءجاننات ءدۇبىروۆا.
سونىمەن قاتار جىل سوڭىنا دەيىن ەلىمىزدە كوممۋنالدىق قىزمەت بويىنشا بىرىڭعاي تولەم قۇجاتىن اۋىلداردا قولدانۋ جوسپارلانىپ وتىر. بۇل كوممۋنالدىق تولەمدەر بويىنشا اقپاراتتىق تەڭگەرىمسىزدىكتى جويىپ, بىرىڭعاي ەسەپ جۇرگىزۋ ستاندارتىن قالىپتاستىرۋعا مۇمكىندىك بەرەدى.
بۇل باستامالاردىڭ بارلىعى – مەملەكەتتىك باسقارۋدىڭ اشىقتىعىن, تيىمدىلىگىن جانە ورنىقتىلىعىن ارتتىرۋعا باعىتتالعان جۇيەلى وزگەرىستەردىڭ ءبىر بولىگى. تسيفرلىق تەحنولوگيالاردى ەنگىزۋ ارقىلى سالالارداعى دەرەكتەردىڭ دالدىگى ارتىپ, شەشىم قابىلداۋ ۇدەرىسى جەدەل بولماق. سونىمەن بىرگە ينۆەستيتسيا تارتۋ, يننوۆاتسيالىق ورتا قالىپتاستىرۋ جانە ازاماتتاردىڭ ءومىر ساپاسىن جاقسارتۋ سىندى ماقساتتارعا قول جەتكىزۋگە جول اشىلادى. دەمەك جاساندى ينتەللەكت پەن تسيفرلىق شەشىمدەردىڭ ۇيلەسىمى ەلىمىزدىڭ يندۋستريالىق جانە قۇرىلىس سالالارىن جاڭا دامۋ دەڭگەيىنە كوتەرمەك.
