نەگىزگى كەزدەسۋلەردىڭ ءبىرى «Citigroup» كومپانياسىنىڭ باسقارۋشى ديرەكتورى, ەگەمەندىك كونسالتينگ دەپارتامەنتىنىڭ جاھاندىق تەڭتوراعاسى حانان امين-سالەممەن ءوتتى. كەلىسسوزدەر بارىسىندا ستراتەگيالىق ينفراقۇرىلىمدىق جوبالاردى قارجىلاندىرۋ, قازاقستاننىڭ قارجى قىزمەتتەرىن جاڭعىرتۋ, فينتەح سالاسىنداعى ىنتىماقتاستىق جانە كاپيتال نارىقتارىن دامىتۋ ماسەلەلەرى تالقىلاندى. سونىمەن قاتار 2024 جىلعى قازان ايىندا وتكەن العاشقى «Kazakhstan Finance Day» فورۋمىن ۇيىمداستىرۋعا «Citigroup» تاراپىنان كورسەتىلگەن قولداۋ ەرەكشە اتالىپ ءوتتى. اتالعان فورۋم قازاقستانعا ينۆەستيتسيالار تارتۋعا جانە ەكونوميكالىق بايلانىستاردى نىعايتۋعا باعىتتالعان.
اۋىل شارۋاشىلىعى ونىمدەرىن وڭدەۋدەگى الەمدىك كوشباسشىلاردىڭ ءبىرى «Archer Daniels Midland» وكىلدەرىمەن كەزدەسۋدە اگرو ازىق-ت ۇلىك ونىمدەرىنىڭ ورنىقتى جەتكىزۋ تىزبەكتەرىن دامىتۋ ماسەلەلەرى قاراستىرىلدى.
«Pfizer» كومپانياسىنىڭ دامۋشى نارىقتار جونىندەگى پرەزيدەنتى سينان اتليگپەن قازاقستان اۋماعىندا دارىلىك زاتتاردى, ۆاكتسينالاردى جانە كومپانيانىڭ باسقا دا ونىمدەرىن ءوندىرۋ پەرسپەكتيۆالارى قارالدى.
«Think Equity» كومپانياسىنىڭ حالىقارالىق ىنتىماقتاستىق باسشىسى كاريم راممال قازاقستاننىڭ قارقىندى دامىپ كەلە جاتقان قارجى نارىعىنا جانە قازاقستان قور بيرجاسىمەن (KASE) ءوزارا ءىس-قيمىل الەۋەتىنە قىزىعۋشىلىق ءبىلدىردى.
«Global New York Chamber of Commerce» پرەزيدەنتى سامات ومىرزاقوۆپەن كەزدەسۋ بارىسىندا قازاقستاننىڭ تاماق ونەركاسىبى ونىمدەرىنىڭ اقش-قا تىكەلەي ەكسپورتىن كەڭەيتۋ, سونداي-اق امەريكالىق نارىقتا قازاقستاندىق بيزنەستى قولداۋدى جۇيەلەۋ ماسەلەلەرى تالقىلاندى.
«The Henry Jackson Society» تالداۋشىسى داررەن شپينكپەن وتكىزىلگەن كەلىسسوزدەردە ورتا ءدالىزدىڭ الەۋەتىن ىلگەرىلەتۋ جانە قازاقستاننىڭ شىعىس پەن باتىستى بايلانىستىراتىن نەگىزگى لوگيستيكالىق حاب رەتىندەگى ءرولىن نىعايتۋعا باعىتتالعان مۋلتيمودالدى كولىك بايلانىستارىن دامىتۋ ماسەلەلەرى كوتەرىلدى.
سونداي-اق «Dakia U-Ventures» وكىلى دجوناتان ەدۆارد چاۋ جانە «Grammy Philadelphia» اتقارۋشى ديرەكتورى رامون دجوۋنسپەن كەزدەسۋ بارىسىندا كرەاتيۆتى جانە مۋزىكالىق يندۋستريا سالاسىنداعى جوبالاردى جۇزەگە اسىرۋ پەرسپەكتيۆالارى تالقىلاندى.
جالپى العاندا, بۇل ساپار قارجى, ونەركاسىپ, لوگيستيكا جانە دەنساۋلىق ساقتاۋ سالالارىنداعى بىرلەسكەن جوبالارعا جوعارى قىزىعۋشىلىقتى راستاي وتىرىپ, قازاقستاننىڭ اقش-تىڭ جەتەكشى كومپانيالارىمەن جانە ساراپتامالىق توپتارىمەن ىسكەرلىك بايلانىستارىن نىعايتۋعا ىقپال ەتتى.
