فوتو: اشىق دەرەككوز
مينيستر بۇل شەشىمدى باتىس قازاقستان وبلىسىنداعى فەرمەرلەرمەن كەزدەسۋدە مالىمدەدى. ونىڭ ايتۋىنشا, بۇل قادام عىلىمي دەرەكتەر مەن حالىقارالىق تاجىريبەگە سۇيەنە وتىرىپ قابىلدانعان.
«عىلىمي قورىتىندىلارعا, فەرمەرلەردىڭ ۇسىنىستارىنا جانە الەمدە جەكەلەگەن جانۋار تۇرلەرىنىڭ سانىن رەتتەۋ تاجىريبەسىنە سۇيەنە وتىرىپ, كيىك پوپۋلياتسياسىن رەتتەۋ تۋرالى شەشىم قابىلداندى», دەدى ەرلان نىسانباەۆ.
بۇعان دەيىن قازاقستان كيىك پوپۋلياتسياسىن قالپىنا كەلتىرۋگە كوپ كۇش پەن قاراجات جۇمساعان-دى. بۇگىندە وسى جانۋارلاردىڭ اۋىل شارۋاشىلىعىنا, ازىق-ت ۇلىك قاۋىپسىزدىگىنە, ءتىپتى ادامعا قاۋىپ توندىرە باستادى دەگەن پىكىرلەر ايتىلىپ ءجۇر.
كيىك 1996 جىلى حالىقارالىق تابيعات قورعاۋ وداعىنىڭ قىزىل تىزىمىنە ەنگەن. قازاقستاننىڭ قىزىل كىتابىنا ەنگىزىلمەگەنىمەن, ونى اۋلاۋعا تىيىم سالىنعان. سوندىقتان كيىكتى زاڭسىز اتۋ قىزىل كىتاپقا ەنگەن جانۋارلاردى اتقانمەن تەڭ.
ە.نىسانباەۆتىڭ ايتۋىنشا, عالىمدار كيىك پوپۋلياتسياسىنىڭ 20 پايىزىن رەتتەۋدى ۇسىنعان.
ەكولوگيا ءمينيسترىنىڭ مالىمەتىنشە, قازاقستاندا شامامەن 3,9 ميلليون كيىك بار. سونىڭ ىشىندە شامامەن 800 مىڭعا جۋىق باس اۋلانۋى مۇمكىن. مينيستر سونداي-اق, مۇنداي كولەمدى جۇزەگە اسىرۋ ءۇشىن ەت كومبيناتتارىنىڭ كومەگى قاجەت بولاتىنىن ايتتى.
