فوتو: اشىق دەرەككوز
«كىتاپقا ءبىر كوز جۇگىرتسەڭ بولدى – بىرەۋدىڭ, بالكىم, مىڭ جىل بۇرىن قايتىس بولعان ادامنىڭ داۋىسىن ەستيسىڭ. وقۋ – ۋاقىت ىشىندەگى ساياحات».
– كارل ساگان
***
«ماعان كىتاپ وقيتىن وتباسىن كورسەت, مەن ساعان الەمدى جاۋلايتىن ادامداردى كورسەتەيىن».
– ناپولەون بوناپارت
***
«كىتاپ – بۇل باق, باق بولعاندا, جەمىس باعى, قويما, مەرەكە, جولسەرىك, كەڭەسشى, كەڭەسشىلەردىڭ كوپشىلىگى».
– شارل بودلەر
***
«وتكەن ۋاقىتقا كوز سالا وتىرىپ, ادەبيەتتىڭ ومىرشەڭدىك كۇشىنە تاعى دا تاڭ قالامىن. ەگەر مەن بۇگىنگى كۇنى ءوز ورنىمدى ىزدەپ جۇرگەن جاس بولسام, قايتادان كىتاپ وقۋ ارقىلى ءوزىمدى تانىر ەدىم – مەن جاستىق شاعىمدا ءدال سولاي ىستەگەنمىن».
– مايا ەندجەلوۋ
***
«وقۋدى بالالارعا مىندەت نەمەسە اۋىرتپالىق رەتىندە ۇسىنۋعا بولمايدى. ونى سىيلىق رەتىندە ۇسىنۋ كەرەك».
– كەيت ديكاميللو
***
«كىتاپتار ادامدار سياقتى – ومىرىڭدە ساعان ءدال كەرەك كەزدە پايدا بولادى دەپ ويلايمىن».
– ەمما تومپسون
***
«مەكتەپتە وقۋعا رۇقسات بەرمەگەن كىتاپتاردى وقي باستاعاندا عانا, مەن ەسسىز دە باقىتتى بولىپ, باسقالارعا ۇقساماي-اق جاقسى ءومىر سۇرۋگە بولاتىنىن ءتۇسىندىم».
– دجون ۋوتەرس
***
«كىتاپتار – وزىمەن بىرگە الىپ جۇرۋگە بولاتىن ەرەكشە سيقىر».
– ستيۆەن كيڭ
***
«كىتاپتار – اينا ىسپەتتى: ولاردان سەن وزىڭدە بار نارسەنى عانا كورەسىڭ».
– كارلوس رۋيس سافون
***
«سويلەمەس بۇرىن ويلان. ال ويلانباس بۇرىن وقى».
– فران لەبوۆيتس
***
«كەل, اقىلمەن سارالاپ, اپتاعا سەگىزىنشى كۇن قوسايىق – تەك وقۋعا ارنالعان كۇن».
– لەنا دانەم
***
«ەگەر ساعان كىتاپ وقۋ ۇناماسا, سەن ءوز كىتابىڭدى ءالى تاپپاعانسىڭ».
– دج. ك. روۋلينگ
***
«مەن ديۆاندا كىتاپ وقىپ وتىرىپ ءالى ءتىرى ەكەنىمدى سەزىنە الامىن».
– بەنەديكت كامبەربەتچ
***
«كەيبىر كىتاپتار ءبىزدى بوساتادى, كەيبىرى – ەركىندىككە جەتەلەيدى».
– رالف ۋولدو ەمەرسون
***
ء«بىز جالعىز ەمەستىگىمىزدى ءبىلۋ ءۇشىن كىتاپ وقيمىز».
– ك.س. ليۋيس
***
«كىتاپتى سوزبە-ءسوز, پاراقتاپ وقىعاندا, سەن ونىڭ جاسالۋىنا قاتىساسىڭ – ءدال باحتىڭ شىعارماسىن ورىنداپ وتىرعان ۆيولونچەليست سياقتى. جانە سەن قايتا-قايتا وقىعاندا, سول كىتاپ تا سەنى – سەنىڭ ويىڭدى, سەزىمىڭدى, جان-دۇنيەڭنىڭ كولەمى مەن سيپاتتارىن قالىپتاستىرادى».
– ۋرسۋلا ك. لە گۋين
***
«كوپ وقى. كىتاپتان ۇلكەن, اسقاق تا تەرەڭ نارسە كۇت. قايتا وقۋعا تاتىمايتىن كىتاپ – وقۋعا دا تاتىمايدى».
– سيۋزەن زونتاگ
***
«وقۋدى ۇيرەنسەڭ, ماڭگىلىك ەركىن بولاسىڭ».
– فرەدەريك دۋگلاسس
***
«ادەبيەت – ءبىز الەم تۋرالى ۇيرەنەتىن جانە ءبىر بۋىننان كەلەسىگە قۇندىلىقتار جەتكىزەتىن قاۋىپسىز دە ءداستۇرلى قۇرال. كىتاپتار ءومىردى ساقتاپ قالادى».
– لوري اندەرسون
***
«كوركەم ادەبيەتتى وقۋ ماڭىزدى. بۇل – وزىمىزگە جات ءومىردى ەلەستەتۋگە مۇمكىندىك بەرەتىن ءتاسىل, ال ول ءبىزدى مەيىرىمدى, جاناشىر ەتە تۇسەدى. كۇردەلى وقيعالاردى قاداعالاۋ ميىمىزدى قىسقا حابارلامالاردان بيىككە كوتەرەدى, ال رومان الەمىندە ءومىر ءسۇرۋ – تىنىشتىق پەن جالعىز بولۋ داعدىسىن قالىپتاستىرادى, ال بۇل ەكەۋى قازىر مۇزدىقتاردان دا تەز جوعالىپ بارادى».
– ەنن پەتچەتت
***
«وقۋ مەن جازۋ – ءومىر بويعى تاجىريبە. سوزدەرمەن بەلگىلى ءبىر تاسىلدە كەزدەسكەن كەزدە, ولار ءبىزدى قيالدىڭ بولمىسىنا, كۇشىنە, قاتىسۋىنا يتەرمەلەيدى».
– ەۋدورا ۋەلتي
اعىلشىن تىلىنە اۋدارعان
دۇيسەنالى الىماقىن
