تارازدا 2 ملن. تەڭگەدەن اسا شىعىن كەلتىرگەن كۇدىكتى ۇستالدى

تاراز. 4 تامىز. تاراز قالاسىندا ءۇي توناۋمەن اينالىسىپ, 2 ملن. تەڭگەدەن اسا شىعىن كەلتىرگەن كۇدىكتى ۇستالدى. بۇل تۋرالى egemen.kz ءتىلشىسى حابارلادى. تاراز قالاسى ىشكى ىستەر باسقارماسىنا قاراستى №3 پوليتسيا بولىمىنە وبلىس ورتالىعىنىڭ تۇرعىنى وسى جىلدىڭ 11 شىلدەسىندە بەلگىسىز بىرەۋلەر جاسىرىن تۇردە ءۇيىنىڭ تەرەزەسىن بۇزىپ كىرىپ, التىن بۇيىمدارى مەن اقشاسىن قولدى قىلعاندىعىن ايتىپ ارىزدانعان بولاتىن. جابىرلەنۋشىنىڭ ايتۋىنشا, كۇدىكتى تۇسكى ۋاقىتتا, شامامەن 16:00-دە ءۇي يەلەرىنىڭ جۇمىستا ەكەندىگىن ءبىلىپ, ارام ويىن جۇزەگە اسىرعان. ۇرلانعان شىعىن مولشەرى شامامەن 35 مىڭ تەڭگەنى قۇرايدى. №3 پوليتسيا ءبولىمى قىزمەتكەرلەرىنىڭ جۇرگىزگەن جان-جاقتى, مۇقيات ىزدەستىرۋ ءىس-شارالارى ناتيجەسىندە, قىلمىستىڭ «ءىزى سۋىماي» اشىلىپ, تاراز قالاسىنىڭ 1993 جىلعى تۇرعىنى قۇرىقتالدى. سوتقا دەيىنگى جەدەل-تەرگەۋ شارالارى بارىسىندا پوليتسيا قىزمەتكەرلەرىمەن انىقتالعانداي, ول بۇرىن-سوڭدى وسىنداي ۇرلىقتاردى ءبىر ءوزى جۇزەگە اسىرىپ ءجۇرىپتى. ناقتى ايتقاندا, ماۋسىم ايىندا ءبىر ءۇيدى, شىلدە ايىنىڭ وزىندە 7 ءۇي توناپ ۇلگەرىپتى. قازىرگى تاڭدا 22 جاستاعى كۇدىكتىگە قاتىستى قىلمىستىق كودەكستىڭ 188-بابى, 2-بولىمىمەن ءىس قوزعالدى. ول كىناسىن تولىق مويىنداپ, ۋاقىتشا ۇستاۋ يزولياتورىنا ورنالاستىرىلدى. جالپى العاندا, كۇدىكتى ءۇي يەلەرىنە 2 ملن. تەڭگەدەن اسا شىعىن كەلتىرگەن. سوتقا دەيىنگى تەرگەۋ امالدارى جالعاسۋدا. ورالحان ءداۋىت. دەرەك: egemen.kz. سۋرەت: thenews.kz.