قوعامدىق قاۋىپسىزدىكتى قامتاماسىز ەتۋ جانە قۇقىق بۇزۋشىلىقتىڭ الدىن الۋدا جەرگىلىكتى بيۋدجەت ەسەبىنەن بىرقاتار جوبالاردى جۇزەگە اسىرۋ جوسپارلانىپ وتىر. باستاما اياسىندا 1400 بەينەباقىلاۋ كامەراسى, 20 «زياتكەرلىك قيىلىس» جانە 58 ستاتسيونارلىق جىلدامدىق ولشەگىش, جاساندى ينتەللەكتكە نەگىزدەلگەن بەينەاناليتيكالىق جۇيە ورناتىلادى.
قازىرگى ۋاقىتتا جەدەل باسقارۋ ورتالىعىنىڭ عيماراتىنا كۇردەلى جوندەۋ جۇرگىزىلىپ, تولىق جاڭارتىلعان. ورتالىقتىڭ باسقارۋ زالىنا بەينەقابىرعا, وپەراتورلارعا ارنالعان 15 اۆتوماتتاندىرىلعان جۇمىس ورنى مەن جاڭا جيھازدار قويىلعان. مۇنان بولەك, زاماناۋي قۇرال-جابدىقتارمەن تولىقتىرىلىپ, بەينەكونفەرەنتس بايلانىس جۇيەسى ىسكە قوسىلدى.
قىزىلوردا وبلىسىندا رەسپۋبليكادا العاشقى بولىپ بارلىق اۋداندىق پوليتسيا بولىمدەرىندە جەدەل باسقارۋ ورتالىقتارى اشىلدى. بۇل جۇزەگە اسىرۋ ءۇشىن 4 ملرد 550 ملن تەڭگەگە بيۋدجەتتىك ءوتىنىم جولدانىپ, ونىڭ 1 ملرد 382 ملن تەڭگەسى جەرگىلىكتى بيۋدجەتتەن ءبولىندى.
