كۇن تارتىبىندە 2025 جىلدىڭ ءبىرىنشى جارتىجىلدىعىنداعى اسكەردىڭ قىزمەتتىك-جاۋىنگەرلىك ءىس-ارەكەتىنىڭ قورىتىندىلارىن تالداندى. ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى, گەنەرال-مايور قايرات ۇمبەتوۆتىڭ, سونداي-اق وڭىرلىك قولباسشىلىقتار قولباسشىلارىنىڭ باياندامالارى تىڭدالدى. سونىمەن قاتار قۇقىقتىق ءتارتىپتى قامتاماسىز ەتۋ, جاۋىنگەرلىك دايارلىقتىڭ جاي-كۇيى, جاڭا اسكەري بولىمدەردى جاساقتاۋ ماسەلەلەرى تالقىلاندى.
مينيستر قۇقىق قورعاۋ جۇيەسىن رەفورمالاۋ جاعدايىندا ۇلتتىق ۇلاننىڭ الەۋەتىن نىعايتۋ جانە ونىڭ قوعامدىق قاۋىپسىزدىكتى قامتاماسىز ەتۋ جونىندەگى مىندەتتەردى ورىنداۋعا دايىندىعى ەرەكشە ماڭىزعا يە ەكەنىن اتاپ ءوتتى.
وتىرىس قورىتىندىسى بويىنشا مينيستر اسكەري قىزمەتشىلەر اراسىنداعى قۇقىق بۇزۋشىلىقتاردىڭ الدىن الۋعا, جاراقاتتانۋ جاعدايلارىن بولدىرماۋعا, قىزمەتتىك ءتارتىپتى قامتاماسىز ەتۋگە, سونداي-اق اسكەري بولىمدەردىڭ ماتەريالدىق-تەحنيكالىق بازاسىن ودان ءارى نىعايتۋعا ەرەكشە نازار اۋدارۋدى تاپسىردى.
ءىىم اسكەري-تەرگەۋ دەپارتامەنتىنە بارلىق كۇشتىك قۇرىلىمداردىڭ اسكەري قىزمەتشىلەرى اراسىندا باقىلاۋ مەن الدىن الۋ جۇمىستارىن كۇشەيتۋ تۋرالى مىندەت قويىلدى. وتىرىس سوڭىندا ۇلگىلى قىزمەتىمەن ەرەكشەلەنگەن اسكەري قىزمەتشىلەر ماراپاتتالدى.
ءدىلدانا ءنۇردىلدا,
ل.ن.گۋميلەۆ اتىنداعى ەۇۋ جۋرناليستيكا فاكۋلتەتىنىڭ 2-كۋرس ستۋدەنتى
