كىتاپ اۆتورلارى – تانىمال جۋرناليست, قوعام قايراتكەرى تۇرسىن قاليموۆا مەن اقىن, زەرتتەۋشى سەرىكبول حاسان. ولار بۇل ەڭبەكتە ەكىنشى دۇنيەجۇزىلىك سوعىستىڭ قاھارمانى, قازاقتىڭ تۇڭعىش ۇشقىش قىزى حيۋاز دوسپانوۆانىڭ ءومىر جولىن, اسكەري قىزمەتىن, مايدانداعى باتىرلىعىن تاريحي دەرەكتەرمەن, قۇجاتتارمەن, ەستەلىكتەرمەن بايانداي وتىرىپ, بۇگىنگى ۇرپاققا جەتكىزۋدى ماقسات ەتكەن.
مۇندا حيۋاز اپامىزدىڭ ومىرىنە قاتىستى كوپتەگەن تىڭ دەرەكتەر جاريالانىپتى. جاس كەزىنەن باستاپ, سوعىس جىلدارىنداعى ەرلىگىنە دەيىنگى وقيعالارعا شولۋ جاسالدى. حيۋاز دوسپانوۆانىڭ باتىرلىعى تەك سوعىستاعى ەرلىگىمەن ەمەس, بەيبىت ومىردەگى ازاماتتىق ۇستانىمىمەن دە ەرەكشە باعالانادى.
اتالعان ەڭبەك حيۋاز اپامىزدىڭ ءومىرىنىڭ جارقىن ساتتەرى مەن مايدان دالاسىنداعى ەرلىك ەپيزودتارىنا تولى. حيۋاز دوسپانوۆا سىندى تۇلعانىڭ ەرلىگىن ەسكە الۋ, ۇلىقتاۋ, كەلەشەك ۇرپاقتىڭ ساناسىنا ءسىڭىرۋ جولىنداعى ماڭىزدى قادام.
كىتاپتىڭ ەرەكشەلىگى – ءتىلىنىڭ جەڭىل, مازمۇنىنىڭ تەرەڭ جانە جاستارعا باعىتتالۋىندا. ەرلىكتى دارىپتەۋمەن قاتار, وقىرماندى وتانسۇيگىشتىككە تاربيەلەيتىن بۇل تۋىندى اسىرەسە جاسوسپىرىمدەر ءۇشىن تاپتىرماس قۇرال.
«حيۋاز دوسپانوۆا كىم؟» اتتى جاڭا كىتاپ – ەلدىك پەن ەرلىكتىڭ, رۋح پەن نامىستىڭ ايعاعى. ول تەك وتكەندى ەسكە الۋ ەمەس, بولاشاققا باعدار بەرەر ماڭىزدى مۇرا. ەندەشە, وسىنداي تۇلعالاردىڭ تاعىلىمىن تانۋ – ۇلت بولاشاعى ءۇشىن اسا ماڭىزدى قادام. كىتاپ – تاريحتى سويلەتەتىن, رۋحتى كوتەرەتىن, ساناعا ساۋلە تۇسىرەتىن قۇندى دۇنيە.
اققۋ دونەش,
ارۋجان قۇسايىن,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتتەرى
