بۇگىن قوعامدىق كەڭىستىكتىڭ جانە قورشاعان ورتانىڭ جاي-كۇيىنە باقىلاۋ ورناتۋ اياسىندا تسيفرلاندىرۋ مۇمكىندىكتەرى تابىستى قولدانىلىپ جاتقانى اتاپ ءوتىلدى. وتكەن جىلى ەكولوگيالىق ماسەلەلەر مەن اباتتاندىرۋعا قاتىستى ۇسىنىستار مەن شاعىمداردى قابىلداۋعا ارنالعان @TazaQazBot ىسكە قوسىلعان.
بيىلعى جىلدىڭ وزىندە 11 مىڭنان استام ءوتىنىش كەلىپ تۇسكەن, ونىڭ ىشىندە 10 مىڭى ورىندالعان.
ءمينيستردىڭ ايتۋىنشا, ازاماتتار ەڭ ءجيى كوتەرەتىن ماسەلەلەر — اۋماقتاردى تازالاۋ قاجەتتىگى (2 963), قوقىس شىعارۋ (662), كوشەلەردى اباتتاندىرۋ جانە تروتۋارلاردى كۇتىپ ۇستاۋ (607).
سونىمەن قاتار, پورتال ارقىلى وتىنىشتەردىڭ ساپاسىز نەمەسە تولىق ورىندالماۋىنا بايلانىستى شاعىمدار دا تىركەلىپ جاتىر.
«جەتىسۋ وبلىسىندا ءاربىر التىنشى وتىنىشكە اكىمدىككە قاتىستى شاعىم قوسىلادى (118 ءوتىنىشتىڭ 19-ىنا شاعىم كەلىپ تۇسكەن). سونداي-اق, شاعىمدار ۇلەسى جوعارى وڭىرلەردىڭ قاتارىندا شىمكەنت, اقمولا وبلىسى جانە ۇلىتاۋ وبلىسى بار», دەدى ەرلان نىسانباەۆ.
الايدا بۇل وڭىرلەرگە بارلىق وتىنىشتەردىڭ نەبارى 4%-ى عانا تيەسىلى. مىسالى, تۇركىستان وبلىسىندا 1600 وتىنىشكە بار بولعانى 5 شاعىم كەلىپ تۇسكەن — بۇل 1%-دان از.
مينيستر نەگىزسىز وتىنىشتەردى جويۋ فاكتىلەرىنە دە جەكە توقتالدى.
«الماتى قالاسىندا رۇقسات ەتىلمەگەن قوقىس توگىلگەن ورىندار تۋرالى حابارلاعان 7 تۇرعىننىڭ ءوتىنىشى پوليتسيا دەپارتامەنتىنە جولدانعان. الايدا, رۇقساتسىز قوقىس ورىندارىن جويۋ — اكىمدىكتەردىڭ تىكەلەي مىندەتى جانە بۇل جۇمىس قولدانىستاعى وكىلەتتىكتەر اياسىندا ورىندالۋى ءتيىس», دەپ اتاپ ءوتتى مينيستر.
