فوتو: اشىق دەرەككوز
ونىڭ ايتۋىنشا, بالاباقشاعا بىرنەشە انا بەينەجازبانى كورۋ ءۇشىن كەلگەن. ولار باستاپقىدا بالالاردىڭ ءبىر-بىرىنە قاتىگەزدىك كورسەتىپ جاتقانىن بىلگىسى كەلگەن. الايدا جازبانى كورگەن كەزدە تاربيەشىنىڭ بۇلدىرشىندەرگە دورەكى ارەكەتتەر جاساعانىن انىقتاعان.
«كامەرا جازبالارىنان 2022 جىلى تۋعان بالالارعا تاربيەشى تاراپىنان قاتىگەزدىكپەن قاراۋ فاكتىلەرى انىقتالدى. بۇل بالالاردىڭ كوپشىلىگى جاستارىنا بايلانىستى ءالى سويلەي المايدى», دەدى ساۋلە شاكەنوۆا.
اتا-انالار دەرەۋ پوليتسيا مەن ءبىلىم ءبولىمى وكىلدەرىن شاقىرعان. وقيعا ورنىنا كەلگەن پوليتسيا قىزمەتكەرلەرى بەينەجازبالاردى ساقتايتىن قۇرىلعىنى (رەسيۆەر) تاركىلەپ, قىلمىستىق ءىس قوزعاعان
بالا قۇقىقتارى جونىندەگى ۋاكىل اتا-انالارمەن بىرگە پاۆلوداردىڭ وڭتۇستىك پوليتسيا بولىمىنە بارىپ, ولاردىڭ ارىز-شاعىمدارى مەن تۇسىنىكتەمەلەرىن تىركەگەنىن جەتكىزگەن. بالالارعا سوت-مەديتسينالىق ساراپتاما تاعايىندالعان. سونىمەن قاتار, تاربيەشى مەن بالاباقشا مەڭگەرۋشىسىنەن جاۋاپ الىنعان.
بالاباقشا اكىمشىلىگىنىڭ مالىمەتىنشە, تاربيەشى بۇل مەكەمەدە شامامەن ءبىر جىلدان بەرى جۇمىس ىستەيدى, جالپى ەڭبەك ءوتىلى — 10 جىلدان اسادى. قالالىق ءبىلىم ءبولىمى تاراپىنان ىشكى قىزمەتتىك تەكسەرىس باستالىپ, بالاباقشا باسشىلىعىنا قاتىستى دا شارا قولدانىلاتىنى حابارلاندى.
ايتا كەتەيىك, الەۋمەتتىك جەلىلەردە تاراعان كادرلاردان تاربيەشىنىڭ بۇلدىرشىندەردى يتەرىپ, شاشتارىنان تارتقانى جانە ەدەنگە لاقتىرعانى انىق كورىنەدى.
