قىزىلوردا وبلىسى بويىنشا ەكونوميكالىق تەرگەپ-تەكسەرۋ دەپارتامەنتى قىزمەتكەرلەرىنىڭ تەرگەۋى بارىسىندا ا.سەيدەكوۆ 2023 جىلدىڭ 1 قاڭتارىنان 2024 جىلدىڭ 31 جەلتوقسانىنا دەيىنگى ارالىقتا وزىنە سەنىپ تاپسىرىلعان لاۋازىمدىق مىندەتتەرىن تەرىس پايدالانىپ, مەكتەپ قىزمەتكەرلەرىنىڭ ايلىق جالاقىسىن ەسەپتەۋ كەزىندە ۇنەمدەلگەن قاراجاتتى ءوز شوتىنا زاڭسىز اۋدارىپ وتىرعاندىعى انىقتالدى. ول جالپى سوماسى 36 ميلليون تەڭگە كولەمىندە قاراجاتتى جىمقىرىپ, ونى «Pin Up» بۋكمەكەرلىك قوسىمشاسى ارقىلى قۇمار ويىندارىنا جۇمساعان.
الايدا تەرگەۋ بارىسىندا كەلتىرىلگەن زالال تولىعىمەن وتەلدى. وتىز التى ميلليون تەڭگە بيۋدجەتكە قايتارىلدى.
سوت ا.سەيدەكوۆتى قازاقستان رەسپۋبليكاسىنىڭ قىلمىستىق كودەكسىنىڭ 189-بابى 4-بولىگى 2-تارماعى بويىنشا (سەنىپ تاپسىرىلعان بوتەن م ۇلىكتى يەمدەنىپ الۋ نەمەسە ىسىراپ ەتۋ, اسا ءىرى مولشەردە) كىنالى دەپ تانىپ, 7 (جەتى) جىلعا باس بوستاندىعىنان ايىرۋ جازاسىن تاعايىندادى. سونىمەن قاتار, ەسەپشىلىك قىزمەتپەن اينالىسۋ قۇقىعىنان 7 جىل مەرزىمگە ايىرىلدى.
سوتتالۋشى جازاسىن قىلمىستىق-اتقارۋ جۇيەسىنىڭ ورتاشا قاۋىپسىز مەكەمەسىندە وتەيتىن بولادى.
