الەۋمەتتىك نىساندار – حالىق يگىلىگىنە

قايتارىلاتىن قاراجات قارجى مينيسترلىگىنىڭ جانىنان قۇرىلعان ارناۋلى مەملەكەتتىك قورعا تۇسەدى. بۇگىندە قارجىنىڭ باسىم بولىگى الەۋمەتتىك ماڭىزى جوعارى ينفراقۇرىلىمدى جانداندىرۋعا ءبولىندى. قازىردە جالپى قۇنى 318 ملرد تەڭگە مولشەرىندە 406 جوبانى قارجىلاندىرۋ ماقۇلداندى. ونىڭ ىشىندە 9 ءبىلىم بەرۋ نىسانى, سپورت سالاسىنداعى 3 نىسان, دەنساۋلىق ساقتاۋ سالاسىنداعى 162 جوبا, سۋمەن جابدىقتاۋ سالاسىنداعى 159 جوبانى قوسقاندا 333 جوبا ىسكە اسىرىلىپ جاتىر.

بارلىق جوبا مەملەكەت باسشى­سىنىڭ الەۋمەتتىك ماڭىزى بار ينفرا­قۇرىلىمدى دامىتۋ جونىندەگى تاپسىرماسى اياسىندا جۇزەگە اسىرىلادى. ءبىلىم بەرۋ نىساندارى ساپالى ءبىلىمنىڭ قولجەتىمدىلىگىن ارتتىرۋعا ىقپال ەتەدى. سپورت نىساندارى بۇقارالىق سپورتتى دامىتۋعا, سالاماتتى ءومىر سالتىن قالىپتاستىرۋعا سەرپىن بەرەدى.

سەنات دەپۋتاتى جانبولات جورگەنباەۆ شالعايداعى ەلدى مەكەندەردە الەۋ­مەتتىك نىسانداردىڭ سالىنۋى تۇر­عىن­داردىڭ اۋىلدان كوشپەۋىنە سەبەپ بولا­تىنىن ايتادى.

«ەلىمىز – الەۋمەتتىك مەملەكەت. پرەزيدەنت الەۋمەتتىك ماسەلەلەرگە ۇنەمى ەرەكشە ءمان بەرىپ, جاۋاپكەرشىلىك جۇكتەپ كەلەدى. قايتارىلعان اكتيۆتەر­دىڭ قاراجاتى ەسەبىنەن 400-دەن اسا الەۋمەتتىك نىسان سالىنۋى كوپتەگەن تۇيتكىلدىڭ ءتۇيىنىن تارقاتۋعا سەپتىگىن تيگىزەدى. جىل­دان-جىلعا قايتارىلعان قارجىعا سالىناتىن نىساندار سانى دا ارتا تۇسپەك. اۋىل – ۇلتىمىزدىڭ التىن قاينارى. سول اۋىلدىق جەردەگى اعايىننىڭ الەۋە­تىن كوتەرۋدە ەڭ اۋەلى الەۋمەتتىك ماسە­لە تۋىنداماۋعا ءتيىس. اۋىزسۋدان تارىق­پاۋى قاجەت, ينفراقۇرىلىمنىڭ دا يگىلىگىن كورۋى كەرەك. باسى اۋىرىپ, بالتىرى سىزداعان ادام شالعايداعى اۋدان ورتالىعىنا سابىلماي-اق, اۋىلدىق وكرۋگتەگى ەمحانادان ءتيىستى ەم-دومىن الاتىنداي جاعداي جاسالۋى قاجەت. مەكتەپ وقۋشىلارى دا زاماناۋي تەحنولوگيامەن جابدىقتالعان كابينەتتەردە ءبىلىم الۋعا ءتيىس. سوندىقتان دا قايتارىلعان اكتيۆتەردىڭ الەۋمەتتىك سالانى كۇشەي­تۋگە جۇمسالۋى قۇپتارلىق ءىس», دەيدى دەپۋتات.

ينفوگرافيكانى جاساعان – امانگەلدى قياس, «EQ»

شالعايداعى ەلدى مەكەندەردە «اۋىل­دا دەنساۋلىق ساقتاۋدى جاڭعىرتۋ» باع­دار­لاماسى اياسىندا مەديتسينالىق مەكەمەلەر سالىنادى.

سۋ قۇبىرى جەلىلەرىنىڭ قۇرىلىسى 2025 جىلعا دەيىن ەلىمىزدىڭ بارلىق قالاسى مەن اۋىلىن تولىقتاي تازا اۋىزسۋمەن قامتاماسىز ەتۋدىڭ ستراتەگيالىق ماقساتىنا سايكەس جۇرگىزىلىپ كەلەدى. بۇل – حالىقتىڭ تۇرمىس ساپاسىن جاقسارتۋ جولىنداعى ماڭىزدى قادام.

وڭىرلەردە قايتارىلعان اكتيۆتەر قاراجاتى ەسەبىنەن ءبىلىم بەرۋ مەكەمەلەرى, سپورت كەشەندەرى, دەنساۋلىق ساقتاۋ, سۋمەن جابدىقتاۋ نىساندارىنىڭ قۇرىلىسى قارقىن الدى. ماسەلەن, استانادا ەسكى ستاديوننىڭ ورنىنا ق.مۇڭايتپاسوۆ اتىنداعى جاڭا ستاديون سالىنىپ جاتىر. جابىق سپورت عيماراتى مۇگەدەكتىگى بار ازاماتتارعا ارنالعان ورىنداردى قوسقاندا, 3 598 ورىنعا ەسەپتەلگەن. قۇرىلىس UEFA-نىڭ حالىقارالىق ستاندارتتارىنا سايكەس جۇرگىزىلەدى.

الماتىدا قايتارىلعان اكتيۆتەر قاراجاتى ەسەبىنەن سۋمەن جابدىقتاۋ جۇيەسىن سالۋ جونىندەگى 9 جوبا قۇرىلىسى ءجۇرىپ جاتىر. شىمكەنت قالاسىنداعى «سايرام كومەكشى مەكتەپ-ينتەرنات-كوللەدجى» كەشەنىنىڭ تاربيەلەنۋشىلە­رىنە ارنالعان 300 ورىندىق جاتاقحانا ­سالىنادى. شىعىس قازاقستان وبلىسىن­دا دا قايتارىلعان اكتيۆتەرگە اۋقىمدى جوبا جۇزەگە اسىرىلادى. ارناۋلى مەملە­كەت­تىك قوردان گەماتولوگيا ورتالىعى­نىڭ قۇرىلىسىن تولىق اياقتاۋعا قوماقتى قارجى ءبولىندى. باس عيماراتتا زاماناۋي مەديتسينالىق جابدىقتارمەن زەرتحانالار, رادياتسيالىق دياگنوستيكا, كارديو­لوگيا, كارديوحيرۋرگيا, گەماتولوگيا, سۇيەك كەمىگىن ترانسپلانتاتسيالاۋ, كۇر­دەلى سوماتيكا بولىمشەلەرى جابدىق­تا­لادى. جاڭا ورتالىق ناۋقاستارعا ەمدەۋدىڭ, وڭالتۋدىڭ وزىق ادىستەرىنە قول جەتكىزۋگە مۇمكىندىك بەرەدى. سونى­مەن قاتار وڭىردە قايتارىلعان اكتيۆتەر ەسەبىنەن تاعى 8 جوبا: دەنساۋلىق ساقتاۋ سالاسىندا – 2, سۋمەن جابدىق­تاۋ باعىتىن­دا 6 جوبا ىسكە اسىرىلىپ جاتىر.

سولتۇستىك قازاقستان وبلىسىندا دا ءوڭىردى سۋمەن جابدىقتاۋدى جاقسارتۋعا باعىتتالعان جوبالار اتقارىلادى. قور قاراجاتى ەسەبىنەن سوكولوۆ, بۋلاەۆ, پرەسنوۆسكي توپتىق سۋ قۇبىرلارىن قايتا جاڭارتۋ, سونداي-اق كوكشەتاۋ توپتىق سۋ قۇبىرىنا قوسىلعان ايىرتاۋ اۋدانى مەن شال اقىن اۋىلدىق ەلدى مەكەندەرىندە جاڭا سۋ قۇبىرلارى مەن بۇرمالار سالىنىپ جاتىر.

قاراعاندى وبلىسىنداعى 7 اۋداندا 51 دەنساۋلىق ساقتاۋ نىسانىن, ونىڭ ىشىندە دارىگەرلىك امبۋلاتوريالاردى, سونداي-اق فەلدشەرلىك-اكۋشەرلىك, مەديتسينالىق پۋنكتتەردى سالۋ جوسپارلانىپ وتىر.

اقمولا وبلىسىندا دەنساۋلىق ساقتاۋ, سۋمەن جابدىقتاۋ, سپورت سا­لاسىن­­دا 38 جوبا جۇزەگە اسىرىلىپ جاتىر. قاي­تارىلعان اكتيۆتەر ەسە­بىنەن ەكى مەدي­تسي­نالىق نىسان سالىندى. ارشالى اۋدا­نىنىڭ ارناساي اۋى­لىندا 2 مىڭنان استام ادامعا قىز­مەت كورسەتەتىن دارىگەرلىك امبۋ­لا­­­توريا پايدالانۋعا بەرىلدى, بۇلاندى اۋدانىنىڭ التىندى اۋىلىندا فەلد­شەرلىك-اكۋشەرلىك پۋنكت اشىلدى. ەندى ءۇش ەلدى مەكەننىڭ ءبىر مىڭنان استام تۇرعىنى ۋاقتىلى مەديتسينالىق كومەك الۋعا اۋدان ورتالىعىنا سابىلمايدى.

اقتوبە وبلىسىندا دا قايتارىلعان اكتيۆتەر ەسەبىنەن جاڭا ءبىلىم بەرۋ مەن دەنساۋلىق ساقتاۋ نىساندارى سالىنادى. وڭىردە الەۋمەتتىك ماڭىزى جوعارى 12 جوبا قولعا الىندى. سولاردىڭ ءبىرى – اقتوبە قالاسىنداعى ەرەكشە بالالارعا ارنالعان ارنايى بالاباقشا.

قوردان اباي وبلىسىندا الەۋمەتتىك ماڭىزى بار 24 نىساندى جۇزەگە اسىرۋعا قارجى ءبولىندى. وڭىردە جاڭادان سۋمەن جاب­دىقتاۋ جەلىلەرى, سونداي-اق مەدي­تسينالىق مەكەمەلەر سالىنادى.

اتىراۋ وبلىسىندا دەنساۋلىق ساقتاۋ, ءبىلىم بەرۋ, سۋمەن جابدىقتاۋ سالالارىندا ءبىر نىساننان سالىنادى.

جەتىسۋ وبلىسىندا ءبىلىم بەرۋ, دەن­ساۋلىق ساقتاۋ, سۋمەن جابدىقتاۋ سالا­­لارىندا 22 جوبانى جۇزەگە اسىرۋ جوس­پارلانعان.

الماتى وبلىسىندا جاڭا سپورت نىساندارى, سۋمەن جابدىقتاۋ جەلىلەرى مەن مەديتسينالىق مەكەمەلەر سالىنادى. ۇكىمەتتىڭ شەشىمىمەن بولىنگەن قاراجات كەگەن اۋدانى جالاعاش اۋىلىندا سپورت كەشەنىن سالۋعا پايدالانىلادى.

جامبىل وبلىسىندا 19 جوبا سالىنادى. 4 جوبا دەنساۋلىق ساقتاۋ سالاسىندا, تاعى 15 جوبا سۋمەن جابدىقتاۋ جەلىلەرىن سالۋعا باعىتتالىپ وتىر.

باتىس قازاقستان وبلىسىندا جىل سوڭىنا دەيىن فەلدشەرلىك-اكۋشەرلىك پۋنكتتەر, دارىگەرلىك امبۋلاتوريالار, سونداي-اق سۋ قۇبىرلارىن سالۋ جو­نىن­دە­گى 25 جوبانى تاپسىرۋ جوس­پار­لانعان.

ماڭعىستاۋ وبلىسىندا قايتارىلعان اكتيۆتەرگە ءبىر دەنساۋلىق ساقتاۋ نىسانى سالىنادى. قوستاناي وبلىسىندا سۋمەن جاب­دىقتاۋ جەلىلەرى تۇبەگەيلى جاڭار­­­تىلادى. سونداي-اق وڭىردە دەنساۋلىق ساقتاۋ, ءبىلىم بەرۋ نىساندارىن سالۋ جوس­پارلانىپ وتىر. تۇركىستان وبلىسىندا ءبىر ءبىلىم بەرۋ وبەكتىسىن سالۋ, سونداي-اق ءوڭىر تۇرعىن­دارىن سۋمەن قامتاماسىز ەتۋگە قاتىستى 35 جوبا ىسكە اسپاق.

پاۆلودار مەن قىزىلوردا وبلىس­تا­رىندا سۋمەن جابدىقتاۋ جەلىلەرى مەن مەدي­تسينالىق مەكەمەلەردىڭ قۇرى­­لى­سىنا ارنالعان بىرنەشە جوبانى ىسكە اسىرۋ جوسپارلانعان. ۇلىتاۋ وبلىسىندا جاڭا ءبىلىم بەرۋ, دەنساۋلىق ساقتاۋ, سۋمەن جابدىقتاۋ نىساندارى سالىنادى. وسىلايشا, قايتا­رىل­عان قاراجات نەگىزىنەن الەۋمەتتىك نىساندار سالۋعا باعىتتالىپ وتىر.