قر دسم شتاتتان تىس باس اريتمولوگى ايان ءابدىراحمانوۆتىڭ جەتەكشىلىگىمەن «رەسينحرونيزاتسيالىق تەراپيا جانە ەلەكترودسىز كارديوستيمۋلياتور يمپلانتاتسياسىن قولدانۋمەن سوزىلمالى جۇرەك كەمىستىگىن ەمدەۋدىڭ زاماناۋي تاسىلدەرى» تاقىرىبىندا شەبەرلىك ءدارىسى ءوتتى.
شەبەرلىك ساعاتىنا شامامەن 51-57 جاستاعى پاتسيەنتتەر قاتىستى. بۇل پاتسيەنتتەردىڭ باسىم كوپشىلىگى جۇرەك قىزمەتىنىڭ جەتىسپەۋشىلىگى مەن ومىرگە قاۋىپ توندىرەتىن جۇرەك ىرعاعىنىڭ بۇزىلۋىنان زارداپ شەكتى. بارلىق پاتسيەنتتەرگە زاماناۋي قۇرىلعىلار ءساتتى ورناتىلدى. بارلىق وپەراتسيالار ەلىمىزدەگى ءساتتى جۇمىس ىستەيتىن ءمامس جۇيەسى شەڭبەرىندە تەگىن جاسالدى.
يمپلانتاتسيالانعان بىرەگەي ەلەكترودسىز كارديوستيمۋلياتور ادام ومىرىنە قاۋىپ-قاتەردى ازايتىپ, ءومىر ءسۇرۋ ساپاسىن ەداۋىر جاقسارتۋعا مۇمكىندىك بەرەدى.
ء«داستۇرلى كارديوستيمۋلياتورلارعا قاراعاندا, بۇل قۇرىلعى ەلەكترودتاردى جۇرەككە تامىرلار ارقىلى قوسۋدى تالاپ ەتپەيدى جانە تەرىنىڭ استىنا ورنالاستىرىلمايدى. بۇل قوندىرعى سان تامىرلارى ارقىلى جۇرەكتىڭ وڭ جاق قارىنشاسىنىڭ قۋىسىنا تىكەلەي ورناتىلادى جانە پاتسيەنت ونى سەزبەيدى. بۇرىن پاتسيەنتكە تەرىنىڭ استىنا ورناتىلعان «قوندىرعى» سەزىلەتىن, قازىرگى يمپلانتات ءتىپتى بايقالمايدى, دەيدى ينتەرۆەنتسيالىق حيرۋرگيا جانە اريتمولوگيا بولىمشەسىنىڭ مەڭگەرۋشى س.م.انارتاەۆ.
«جاڭا قۇرىلعىنىڭ باستى ارتىقشىلىعى قاشىقتان مونيتورينگ جۇرگىزە الادى. قۇرىلعىنى ورناتۋ ءموبيلدى قوسىمشامەن ۇندەستىرىلەدى, ونىڭ كومەگىمەن ەمدەۋشى دارىگەر ناقتى ۋاقىت رەجيمىندە پاتسيەنتتىڭ جاعدايىن قاداعالايدى, دابىل بەلگىلەرىن كورەدى جانە كەنەتتەن اسقىنۋ بولعان جاعدايدا شۇعىل ارەكەت ەتەدى. بۇل تەك جاي عانا ىڭعايلى تەحنولوگيا ەمەس – ول ادام ءومىرىن قۇتقارۋشى قۇرال. بۇرىن پاتسيەنتتەر وزدەرىننىڭ جاعدايدىڭ ناشارلاۋىن بايقاماسا, بۇگىن دارىگەر پاتسيەنتتەگى وزگەرىستەردى بىردەن بايقايدى. بۇل تەوريا جۇزىندە عانا ەمەس, بۇل پراكتيكاعا ەنگىزىلىپ وتىرعان جۇيە. ءبىزدىڭ ماقساتىمىز - جاي عانا وپەراتسيا جاساۋمەن شەكتەلىپ قالماي, پاتسيەنتتى دياگنوستيكادان باستاپ, تولىق باقىلاۋ تسيكلىمەن قامتاماسىز ەتۋ», دەدى اريتمولوگ-دارىگەر قانات ەرەشەۆ.
شەبەرلىك دارىسىنە دۋباي كارديولوگيالىق قوندىرعىنى شىعاراتىن حالىقارالىق كومپانيانىڭ وكىلدەرى قاتىستى. كومپانيا وكىلدەرى باعدارلامالىق قامتاماسىز ەتۋمەن جۇمىس ىستەۋ بويىنشا تەحنيكالىق ترەنينگ وتكىزدى.
سوزىلمالى جۇرەك-قان تامىرلارى اۋرۋلارى ءبىزدىڭ ەلىمىزدە عانا ەمەس, الەمنىڭ بارلىق ەلدەرىندە ءالى دە ءولىم-ءجىتىمنىڭ نەگىزگى فاكتورىنىڭ ءبىرى بولىپ وتىر. دەگەنمەن, وزىق مەديتسينالىق تەحنولوگيالاردى ەنگىزۋ ءولىم-ءجىتىم كورسەتكىشىنىڭ تومەندەتە الادى.
