فوتو: سۋ رەسۋرستارى جانە يرريگاتسيا مينيسترلىگى
سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتىنىڭ مالىمدەۋىنشە قازىرگى ۋاقىتتا قۇقىق قورعاۋ ورگاندارىمەن بىرلەسىپ, بۇزۋشىلىققا جول بەرگەن تۇلعالاردى انىقتاۋ جانە ولاردى اكىمشىلىك جاۋاپكەرشىلىككە تارتۋ جۇمىستارى جۇرگىزىلىپ جاتىر. بۇعان دەيىن قىزىلوردا وبلىسىندا التى شارۋا قوجالىعىنىڭ 2,3 ملن تەكشە مەتردەن استام سۋدى زاڭسىز پايدالانعانى بەلگىلى بولعان ەدى.
سونداي-اق ارال-سىرداريا باسسەيندىك ينسپەكتسياسى ماماندارى شاردارا اۋداندىق پروكۋراتۋراسىمەن بىرلەسىپ, تۇركىستان وبلىسىندا 24 تىركەلمەگەن سورعى قوندىرعىسىن انىقتادى. ال جايىق-كاسپي باسسەيندىك ينسپەكتسياسى اقتوبە وبلىسىندا 5 كاسىپورىننىڭ سۋدى زاڭسىز پايدالانعانى جونىندە دەرەك تىركەدى.
«سۋدىڭ «كولەڭكەلى نارىعىنا» قارسى جۇمىستار جالعاسادى. زاڭ بۇزعاندار مىندەتتى تۇردە انىقتالىپ, جاۋاپقا تارتىلادى. بۇدان بولەك, ەل بويىنشا باسسەيندىك ينسپەكتسيا ماماندارى شارۋالارمەن جانە باسقا دا سۋ پايدالانۋشىلارعا سۋدى زاڭسىز تارتىپ الۋعا جول بەرمەۋ تۋرالى ءتۇسىندىرۋ جۇمىستارىن جۇرگىزىپ جاتىر», دەدى سۋ رەسۋرستارى جانە يرريگاتسيا ءبىرىنشى ۆيتسە-ءمينيسترى نۇرلان الدامجاروۆ.
