بۇگىندە ونىڭ شاعىن كاسىبى اۋىلعا كەلەتىن تۋريستەردى قابىلدايتىن قولايلى ءارى قولجەتىمدى دەمالىس ورنىنا اينالدى. تابيعاتى كوركەم كاتونقاراعايعا قىزىعۋشىلىق تانىتاتىن قوناقتار ءۇشىن بۇل ۇلكەن مۇمكىندىك. كاسىپكەردىڭ باستاماسى تەك جەكە تابىس كوزى عانا ەمەس, جەرگىلىكتى ەكونوميكانى جانداندىرۋعا دا ۇلەس قوسىپ وتىر.
قوناق ءۇي كورسەتەتىن نەگىزگى قىزمەت تۇرلەرى: قوناقتاردى قابىلداپ, جايعاستىرۋ; جايلى جانە قاۋىپسىز دەمالىس ورنىن ۇسىنۋ; بولمەلەردى تازالاۋ, توسەك-جابدىقتاردى اۋىستىرۋ; تاڭعى اس جانە قاجەت بولعان جاعدايدا ۇلتتىق تاعامدار ازىرلەۋ; تۋريستەرگە جەرگىلىكتى باعىتتار مەن كورىكتى ورىندار تۋرالى اقپارات بەرۋ.
باۋىرجان ۋالحانوۆ بۇل جوبانىڭ ءوزى ءۇشىن قانشالىقتى ماڭىزدى بولعانىن اتاپ ءوتتى:
«اۋىل اماناتى – كاسىپ باستايمىن دەگەن ازاماتتارعا ۇلكەن مۇمكىندىك. وسىنداي قولداۋدىڭ ارقاسىندا مەن ءوز ارمانىمدى ىسكە اسىرىپ, تۋعان اۋىلىمدا ءتۋريزمدى دامىتىپ جاتىرمىن. بۇل باعدارلامانىڭ شىنايى كومەگىن كورىپ وتىرمىز. ەلدى مەكەندەردى دامىتۋعا باعىتتالعان مۇنداي باستامالار كوپ بولسا ەكەن», دەيدى ول.
كاتونقاراعايدىڭ كوركەم تابيعاتى مەن تازا اۋاسى ىشكى ءتۋريزمنىڭ ماڭىزدى باعىتتارىنىڭ ءبىرى. ۋالحانوۆتىڭ باستاماسى – بۇل وڭىردە ءتۋريزمنىڭ الەۋەتىن ارتتىرۋعا باعىتتالعان جارقىن ۇلگى.
«اۋىل اماناتى» باعدارلاماسى – اۋىل تۇرعىندارىنىڭ ءال-اۋقاتىن ارتتىرىپ, ەلدى مەكەندەردە جاڭا جۇمىس ورىندارىن اشۋعا جانە وڭىرلىك ەكونوميكانى ارتاراپتاندىرۋعا باعىتتالعان ماڭىزدى جوبا. ۋالحانوۆ باۋىرجان سىندى بەلسەندى ازاماتتاردىڭ ارقاسىندا بۇل باعدارلاما ءوز ناتيجەسىن بەرىپ كەلەدى.
