عىلىمي ازىرلەمەلەر كورمەسىمەن باستالعان شارا بارىسىندا ستارتاپ جوبالار مەن ستۋدەنتتىك بيزنەس‑ينكۋباتور بايقاۋى جەڭىمپازدارىنىڭ جۇمىستارى تانىستىرىلدى.
ءال-فارابي اتىنداعى قازۇۋ باسقارما توراعاسى–رەكتور جانسەيىت تۇيمەباەۆ بيزنەس-ينكۋباتوردىڭ اشىلۋىندا ء سوز سويلەپ, جوبا پرەزيدەنت قاسىم‑جومارت توقاەۆتىڭ قازاقستان حالقىنا جولداۋىندا ايتىلعان مىندەتتەمەلەردى جۇزەگە اسىرۋعا باعىتتالعانىن جەتكىزدى. جولداۋدا: «بيزنەس-ينكۋباتور, كوممەرتسيالاندىرۋ ورتالىعى, تەحنوپارك, قۇراستىرۋ بيۋروسى سياقتى يننوۆاتسيالىق ينفراقۇرىلىمدار قۇرۋعا قاتىستى جەكە باستامالارعا ءسوز جۇزىندە ەمەس, ناقتى ىسپەن قولداۋ كورسەتەتىن پارمەندى شارالار كەرەك», دەلىنگەن.
«بىرلەسكەن ينكۋباتور – بۇل يننوۆاتسيالىق ەكوجۇيەگە بىرىكتىرىلگەن زاماناۋي ينفراقۇرىلىمدىق-ۇيىمداستىرۋشىلىق پلاتفورما. ونىڭ قىزمەتى ستارتاپتاردى قولداۋ مەن دامىتۋعا باعىتتالادى. باستى نازار DeepTech, تسيفرلىق, بيوتەحنولوگيالىق, بيومەديتسينالىق جانە «جاسىل» تەحنولوگيالارعا اۋدارىلادى. ينكۋباتور عىلىمي ازىرلەمەلەردى بيزنەس-شەشىمدەرگە اينالدىرۋداعى وزىق حالىقارالىق تاجىريبەنى پايدالانىپ, يننوۆاتسيالىق جوبالاردىڭ جاھاندىق نارىقتارعا شىعۋىنا ىقپال ەتەتىن بولادى», دەپ اتاپ ءوتتى رەكتور.
شارادا Tus‑Holdings Co., Ltd كومپانياسىنىڭ اتقارۋشى پرەزيدەنتى دجينشەن چجان بىرلەسكەن جوبانىڭ تەحنولوگيالاردى ترانسفەرلەۋ, عىلىمي ازىرلەمەلەردى كوممەرتسيالاندىرۋ جانە تۇراقتى بيزنەس‑مودەلدەردى قۇرۋعا ءتيىمدى پلاتفورما بولاتىنىن اتاپ ءوتتى. TusHoldings Co., Ltd ءۇشىن جاڭا كەزەڭ – كەشەندى يننوۆاتسيالىق جانە ينۆەستيتسيالىق قىزمەت كورسەتەتىن پلاتفورما, ول تسينحۋا ۋنيۆەرسيتەتىنىڭ (قحر) ستراتەگيالىق قۇرامداس بولىگىنە اينالماق. ايتۋىنشا, عىلىمي جانە تەحنولوگيالىق جەتىستىكتەردى ترانسفورماتسيالاۋ, ستارتاپتاردى ينكۋباتورلاۋ جانە يننوۆاتسيالىق تالانتتاردى دامىتۋ ميسسياسىن اتقاراتىن بولادى. جاڭا بيزنەس‑ينكۋباتور ۋنيۆەرسيتەت جانە قىتاي عالىمدارى اراسىنداعى عىلىمي‑يننوۆاتسيالىق سەرىكتەستىكتى نىعايتاتىن جانە كاسىپكەرلىك باستامالاردى قولدايتىن ماڭىزدى پلاتفورما بولاتىنى انىق.
شاراعا قاتىسۋشىلار TusPark بيزنەس ينكۋباتورى, «قاشىقتىقتان زوندتاۋ تەحنولوگياسى مەن ولاردى قولدانۋ» قازاقستان‑قىتاي بىرلەسكەن زەرتحاناسى جانە سۋپەركومپيۋتەر كلاستەرى قىزمەتىمەن تانىستى.
الماتى
