ول ءۇشىن ەتسق ارقىلى اۆتوريزاتسيادان ءوتۋ جەتكىلىكتى. جۇيە اۆتوماتتى تۇردە ازاماتتىڭ ءۇيى بار-جوعىن, تابىسىن, وتباسى قۇرامىن جانە مۇقتاجدىق مارتەبەسىن 14 ءتۇرلى مەملەكەتتىك دەرەكقورمەن بايلانىستىرا وتىرىپ تەكسەرەدى. ءوتىنىش قارالعاننان كەيىن شەشىم تۋرالى حابارلاما ازاماتتىڭ تەلەفونىنا 1414 قىسقا نومىرىنەن «SMS» ارقىلى كەلەدى. وندا ءوتىنىمنىڭ ماقۇلدانعانى نەمەسە كەرى قايتارىلعانى كورسەتىلەدى. قوسىمشا اقپارات الۋ ءۇشىن «eGov Mobile» قوسىمشاسىن اشىپ, باستى بەتىندەگى «تانىمال قىزمەتتەر» بولىمىنەن تۇرعىن ءۇي كەزەگىنە قاتىستى انىقتامالىق مالىمەتتەردى وقۋعا بولادى. مۇندا ءوتىنىم بەرۋ تالاپتارى مەن قاجەتتى شارتتار بەرىلگەن.
