دەپۋتاتتىڭ ايتۋىنشا, كوپتەگەن باقشا سەرىكتەستىكتەرىندە تۇراقتى سۋارۋ جۇيەسى جوق, جولدار ناشار جاعدايدا, تۇرمىستىق قالدىقتار دەر كەزىندە شىعارىلمايدى. اتالعان ماسەلەلەردى شەشۋگە جەرگىلىكتى اتقارۋشى ورگانداردىڭ وكىلەتتىگى مەن ناقتى جاۋاپكەرشىلىگى جەتكىلىكسىز.
– قازىرگى زاڭنامادا باقشا سەرىكتەستىكتەرىنىڭ قۇقىقتىق مارتەبەسى ناقتى ايقىندالماعان. ولاردىڭ قۇقىقتارى مەن مىندەتتەرى بەلگىسىز, كووپەراتيۆتەردىڭ قىزمەتى دە اشىق جۇرگىزىلمەيدى. مۇنىڭ ءبارى باقشاشىلاردىڭ تىنىس-تىرشىلىگىنە كەرى اسەر ەتۋدە, – دەدى اسحات ايماعامبەتوۆ.
سونىمەن قاتار, ازاماتتار باقشا ۋچاسكەلەرىنە سالىناتىن سالىق مولشەرىنىڭ جوعارى ەكەنىنە, سۋ مەن ەلەكتر قۋاتىنىڭ تاريفتەرىنىڭ قىمباتتىعىنا, ءىرى اۋىل شارۋاشىلىق وندىرۋشىلەرگە ۇسىنىلاتىن جەڭىلدىكتەر مەن سۋبسيديالارعا قول جەتكىزە المايتىنىنا ءجيى شاعىمدانۋدا.
وسىعان بايلانىستى ءبىر توپ دەپۋتات باقشا شارۋاشىلىعىن قولداۋعا باعىتتالعان زاڭ جوباسىن ازىرلەدى. بۇل باستامانىڭ نەگىزگى ماقساتى – ۇساق اۋىل شارۋاشىلىعىنىڭ ءبىر بولىگى رەتىندە باقشا شارۋاشىلىعىن زاڭ جۇزىندە مويىنداپ, ونى دامىتۋعا قولايلى جاعداي جاساۋ.
– باقشاشىلارعا قولداۋ كورسەتۋ – بۇل مىڭداعان قازاقستاندىق ءۇشىن تابىس كوزى, وتباسىلىق كاسىپ, ەڭبەككە باۋلۋ قۇرالى. جاز مەزگىلىندە بالالار مەن نەمەرەلەردىڭ اتا-اناسىمەن بىرگە باقشادا ەڭبەك ەتۋى – تاربيەنىڭ ءبىر مەكتەبى. بۇل رەتتە باقشا شارۋاشىلىعىن قولجەتىمدى, ءتيىمدى ءارى ىڭعايلى ەتىپ دامىتۋ – ەلدىڭ ازىق-ت ۇلىك قاۋىپسىزدىگىنە قوسىلاتىن ۇلەس, – دەدى ءماجىلىس دەپۋتاتى.
ايتا كەتەيىك, دەپۋتات «ۆلاست» پورتالىنا بەرگەن پىكىرىندە باقشا القاپتارىنداعى تىركەۋ (تۇراقتى تىركەۋ ورنى) ماسەلەسى ازىرگە زاڭ جوباسىنا ەنگىزىلمەگەنىن, قۇجات ازىرلەۋ جۇمىستارى ەندى عانا باستالعانىن ناقتىلادى.
