تىڭداۋشىلار ورتالىق مەملەكەتتىك ورگاندار مەن جەرگىلىكتى اتقارۋشى ورگانداردىڭ وكىلدەرى بولدى. تجم اۋماقتىق بولىمشەلەرىنىڭ بازاسىندا 4 مىڭعا جۋىق تىڭداۋشى مەن 600 ۆولونتەر وقىتىلدى.
دۇنيەجۇزىلىك ازاماتتىق قورعانىس كۇنى اياسىندا ءتۇرلى توتەنشە جاعدايلار كەزىندەگى ءىس-قيمىل ءتارتىبى تۋرالى حالىقتىڭ حاباردارلىق دەڭگەيىن ارتتىرۋعا باعىتتالعان اۋقىمدى ءىس-شارالار وتكىزىلدى. تجم اۋماقتىق بولىمشەلەرىنىڭ ءىس-شارالاردى ىسكە اسىرۋ كەزىندە دايىندىقتىڭ جوعارى دەڭگەيىن جانە كرەاتيۆتى ءتاسىلدى كورسەتكەن باستامالارى ەرەكشە نازار اۋدارۋعا تۇرارلىق. يميدجدىك ءىس-شارالاردى ىسكە اسىرۋ ازاماتتارعا اقپاراتتى ءتيىمدى جەتكىزۋگە عانا ەمەس, سونىمەن قاتار حالىقتىڭ شۇعىل جاعدايلاردا ءىس-ارەكەتكە دايىندىعىنىڭ جالپى دەڭگەيىن ارتتىرۋعا ىقپال ەتەدى.
حالىقارالىق بالالاردى قورعاۋ كۇنى قارساڭىندا رەسپۋبليكا بويىنشا «بالا قاۋىپسىزدىگى – باستى نازاردا» ۇرانىمەن اۋقىمدى پروفيلاكتيكالىق اكتسيا ءوتتى. ۇيىمداستىرۋشىلار – قر توتەنشە جاعدايلار مينيسترلىگى جانە ونىڭ اۋماقتىق بولىمشەلەرى – بالالاردى قاۋىپسىزدىك نەگىزدەرىنە وقىتۋعا, قۇتقارۋشى ماماندىعىن دارىپتەۋگە جانە ءومىر مەن دەنساۋلىققا ۇقىپتى قاراۋ مادەنيەتىن نىعايتۋعا باعىتتالعان 100-دەن استام ءىس-شارا وتكىزدى. تج دەپارتامەنتتەرىنىڭ قىزمەتكەرلەرى ەلىمىزدىڭ بارلىق وڭىرلەرىندە ينتەراكتيۆتى ساباقتار, شەبەرلىك سىنىپتارى, كورمە قويىلىمدارى, كونكۋرستار, ۆيكتورينالار مەن تەحنيكا كورمەلەرىن ۇيىمداستىردى. اكتسياعا مىڭداعان بالالار مەن اتا-انالار, سونداي-اق ەرىكتىلەر, مەكتەپ پەداگوگتارى, اپاتتار مەديتسيناسى ورتالىقتارىنىڭ قىزمەتكەرلەرى جانە ۇەۇ وكىلدەرى قاتىستى.
سونىمەن قاتار, رەسپۋبليكالىق جانە وڭىرلىك دەڭگەيلەردە مەكتەپ پارلامەنتتەرىنىڭ «توتەنشە جاعدايلار مينيسترلەرىمەن» جۇمىس بەلسەندى جۇرگىزىلۋدە. وسى جۇمىس اياسىندا وقۋشىلاردى كۇندەلىكتى ومىرگە سايكەس كەلەتىن ومىرلىك قاۋىپسىزدىك ماسەلەلەرىن شەشۋگە دايىنداۋ بويىنشا ءىس-شارالار ۇيىمداستىرىلادى.
مينيسترلىكتىڭ ازاماتتاردى توتەنشە جاعدايلار كەزىندەگى ءىس-قيمىلدارعا وقىتۋدى ۇيىمداستىرۋ بويىنشا جۇرگىزگەن جۇمىسى وڭ ناتيجە بەرەدى. قاۋىپسىزدىك ماسەلەلەرىنە قىزىعۋشىلىق ارتىپ كەلەدى.
