«بجزق» اق زەينەتكەرلىك جاسقا جاقىنداعان نە تولعان الۋشىلارعا دا, قوردا زەينەتاقى جيناعى بار, بىراق زەينەت جاسىنا جەتپەي مارقۇم بولعان سالىمشىلاردىڭ/الۋشىلاردىڭ مۇراگەرلەرىنە دە زەينەتاقى تولەمدەرىن رەسىمدەۋ ءۇشىن ۋاقتىلى جۇگىنۋ قاجەتتىلىگى تۋرالى اقپاراتتىق-ءتۇسىندىرۋ جۇمىستارىن ۇدايى جۇرگىزىپ وتىرادى. جىل سايىنعى سالىستىرۋ ناتيجەلەرى بويىنشا بجزق الۋشىلارعا زەينەتاقى تولەمدەرىن پرواكتيۆتى فورماتتا مەملەكەتتىك كورپوراتسيا ارقىلى جۇزەگە اسىرادى. ياعني زەينەتاقى تولەمىن مەملەكەتتىك بيۋدجەتتەن الاتىن زەينەتكەرلەردىڭ جيناقتارى بار بولسا, بجزق-دان تولەمدەر الا باستايدى.
رەسمي مالىمەتتەرگە سايكەس, ءارتۇرلى سەبەپتەرمەن زەينەتاقى قاراجاتىن الماعانداردىڭ اراسىندا ءۇش نەگىزگى سانات بار. بجزق مەملەكەتتىك ورگانداردىڭ اقپاراتتىق جۇيەلەرىنەن العان مالىمەتتەرگە سايكەس 148 335 ادام قايتىس بولعان, ولاردىڭ زەينەتاقى جيناقتارىن مۇراگەرلەرى تالاپ ەتە الادى. 59 800 ادام قازاقستاننان تىس جەرلەرگە تۇراقتى تۇرۋعا كەتكەن. 56 560 ادام جاسىنا بايلانىستى زەينەتاقىلارىن رەسىمدەۋ ءۇشىن مەملەكەتتىك كورپوراتسياعا (تۇرعىلىقتى جەرى بويىنشا حقكو) ءالى ءوتىنىش بەرمەگەن.
بجزق جيناقتاردىڭ ەسەبىن جۇرگىزەدى, ينۆەستيتسيالانۋىن جالعاستىرادى جانە سالىمشىلاردىڭ جيناقتاۋشى زەينەتاقى شوتىندا الۋشىلار نە ولاردىڭ مۇراگەرلەرى تالاپ ەتكەنگە دەيىن ساقتالادى. ولار قاراجاتتى نوتاريۋسقا جۇگىنۋ جانە مۇراگەرلىك قۇقىعى تۋرالى كۋالىك بەرۋ ارقىلى الا الادى. ەلىمىزدەن تىس جەرلەرگە تۇراقتى تۇرۋعا كەتۋىنە بايلانىستى بجزق-دان زەينەتاقى تولەمدەرىن الۋ قۇقىعىن قوردا زەينەتاقى جيناقتارى بار جانە وتاندىق زاڭناماعا سايكەس قاجەت قۇجاتتاردى ۇسىنعان شەتەلدىكتەر مەن ازاماتتىعى جوق ادامدار پايدالانا الادى. زەينەتكەرلىك جاسقا جەتۋىنە بايلانىستى زەينەتاقى جارنالارىنىڭ مىندەتتى تۇرلەرى ەسەبىنەن بجزق-دان زەينەتاقى تولەمدەرىن تاعايىنداۋ, سونداي-اق مەملەكەتتىك بيۋدجەتتەن بازالىق جانە ىنتىماقتى زەينەتاقى تاعايىنداۋ ءۇشىن الۋشىلار تۇرعىلىقتى جەرى بويىنشا «ازاماتتارعا ارنالعان ۇكىمەت» مەملەكەتتىك كورپوراتسياسىنا (حقكو) جۇگىنۋى قاجەت.
