ايتا كەتەيىك, فيلم مادەنيەت جانە اقپارات مينيسترلىگى مەن ۇلتتىق كينونى قولداۋ مەملەكەتتىك ورتالىعىنىڭ قولداۋىمەن تۇسىرىلگەن. كينوتۋىندى اجەسىنىڭ تاربيەسىندە وسكەن بالانىڭ تاعدىرىن باياندايدى. فيلمدە كونە قازاق ءداستۇرى – بالانى باۋىرىنا سالۋ ايقىن كورىنىس تابادى. اجەسى قايتىس بولعان سوڭ بالا اتا-اناسىنا ورالىپ, ولارمەن قايتا بايلانىس ورناتۋعا تىرىسادى. بۇل – رەجيسسەردىڭ ءوز باسىنان وتكەن وقيعالارعا نەگىزدەلگەن تۋىندى.
«باۋىرىنا سالۋ» ءفيلمى بۇعان دەيىن دە حالىقارالىق دەڭگەيدە جوعارى باعالانعان. ول «Asia Pacific Screen Awards» بايقاۋىندا ۇزدىك جاسوسپىرىمدەر ءفيلمى اتاندى, ازەربايجاندا وتكەن «Baku International Film Festival»-ءدىڭ باس جۇلدەسىن يەلەندى, فرانتسياداعى «Cinema Heritage Festival»-دە ارنايى ماراپاتقا يە بولدى. سونداي-اق ءفيلمنىڭ وپەراتورى جاناربەك ەلەۋبەك «Asia World Film Festival»-دە «ۇزدىك وپەراتور» اتالىمى بويىنشا ماراپاتتالدى. سونداي-اق قازاقستان اتىنان 2025 جىلعى «وسكار» سىيلىعىنا «شەتەل تىلىندەگى ۇزدىك فيلم» ساناتىندا رەسمي تۇردە ۇسىنىلعان بولاتىن.
