قارجىلىق ساۋىقتىرۋ قولدانىستا

كەشە ورتالىق كوممۋنيكاتسيالار قىزمەتىندە اۋىل شارۋاشىلىعى ۆيتسە-مينيسترi ەرمەك كوشەرباەۆ ءباسپاسوز ءماسليحاتىن وتكىزدى. ول اگرارلىق سالانى قارجىلاندىرۋدى ساۋىقتىرۋعا بايلانىستى قولعا الىنعان شارالار جونىندە اڭگىمەلەدى. سپيكەردىڭ ايتقانىنا زەر سال­ساق, اعىمداعى جىلى قارجىلىق ساۋىقتىرۋدى جالعاستىرۋ ءۇشىن اۋىل شارۋاشىلىعى مينيسترلىگى «اگروبيزنەس-2020» باعدارلاماسىنا ءتيىستى وزگەرىستەر ەنگىزىپتى. اتاپ ايتقاندا, ءدال بۇگىنگى كۇندە اوك سۋبەكتىلەرىنىڭ كرەديتتىك جانە لي­زينگتىك مىندەتتەمەلەرىن سا­ۋىق­تىرۋ سوماسىن 500 ملرد. تەڭ­گەگە دەيىن ۇلعايتۋ بويىنشا جۇ­مىستار جۇرگىزىلىپ جاتىر ەكەن. «باعدارلامانىڭ نەگىزگى ماقساتى, جالپى بەرەشەك سوماسى 300 ملرد. تەڭ­گەگە تەڭ قارجىنى قايتارۋ مەر­زىمىن ۇزارتۋ بولىپ وتىر. سون­داي-اق, اوك سۋبەكتىلەرىنىڭ كرەديتتىك جانە ليزينگتىك ءمىن­دەت­تەمەلەرىنىڭ پايىزدىق ستاۆكاسىن بارىنشا ازايتۋدى كوزدەپ وتىرمىز. بۇگىندە بۇل ماقسات تولىق ورىندالعان. ساۋىقتىرۋعا جاتاتىن بەرەشەكتەردىڭ نەگىزگى بولىگى وسىمدىك شارۋاشىلىعىنا بەرىلىپ وتىر. وعان كورسەتىلگەن قارجىنىڭ – 86,4, مال شارۋاشىلىعى سالاسىنا – 2,8, اۋىل شارۋاشىلىعى ونىمدەرىن قايتا وڭدەۋشىلەرگە – 5, باسقا قىزمەت تۇرلەرىنە 5,6 پايىزى تيەسىلى بولىپ تۇر», دەدى ۆيتسە-مينيستر. سپيكەر اوك سالاسىنداعى پروب­لەمالى نەسيەلەردىڭ كولەمىن ازايتىپ, ولاردىڭ نەسيەلىك سالماعىن تومەندەتۋ مەن بانكروتتىققا ۇشى­راۋ قاۋپىن بارىنشا تومەندەتۋ ماق­­ساتىندا 2013 جىلدان بەرى ءبىر­قاتار يگى شارالار اتقارىلعانىن ايت­تى. ءسويتىپ, مينيسترلىك اوك سۋ­ب­ەك­تىلەرىن قارجىلىق ساۋىقتىرۋ تياناقتى جۇرگىزىلىپ كەلە جاتقانىن جەتكىزدى. وعان قوسا, باعدارلاماعا ءىرى اگروقۇرىلىمدارمەن قاتار شاعىن جانە ورتا اگروبيزنەس وكىلدەرى دە قاتىساتىنىن ءبىلدىردى. ۆيتسە-ءمينيستردىڭ سوزىنە يلانساق, قازىرگى جۇمىس ورىندارىن ساقتاپ قالۋ مۇڭ بولىپ تۇرعان كەزەڭدە, اگروونەركاسiپ كەشەنiن قارجىلىق ساۋىقتىرۋ شاراسىنىڭ ارقاسىندا 25 مىڭ جۇمىس ورنى ساقتالىپ قا­لىپتى. «بانكروتتىق – بۇل شارۋا­نى ءجۇر­گiزۋ ءتۇرi. مۇنىمەن ايتپاعىم, ەگەر كاسiپورىن بانكروت بولسا, ول قىزمەتiن توقتاتادى دەگەن ءسوز ەمەس. بiزدiڭ iرi اگروحولدينگتەر قازiر ءدال وسىنداي جاعدايدا. بۇل رەتتە قارجىلىق ساۋىقتىرۋ شارالارى وسى كومپانيالارعا جۇمىسىن ءارى قاراي جالعاستىرۋعا كومەكتەسەدi. ناقتى ايتار بولسام, سالانى قارجىلىق ساۋىقتىرۋ 25 مىڭعا جۋىق جۇمىس ورنىن ساقتاپ قالۋعا مۇمكiندiك بەردi», دەدi ە.كوشەرباەۆ. نۇرباي ەلمۇراتوۆ, «ەگەمەن قازاقستان».