«جۇمىسشى ماماندىقتار» جىلىندا جۇمىسشىلاردىڭ ەڭبەگىن باعالاپ, قولداۋمەن قاتار كاسىپتىك ءبىلىم بەرۋ سالاسىنداعى قارقىندى جوبالاردىڭ جۇزەگە اسۋى دا – اباي ەلىنىڭ ەڭبەكشىلەرى ءۇشىن ۇلكەن قۋانىش.
بيىلعى بايقاۋدا كاسىپتىك ءبىلىم بەرۋ سالاسىنداعى ماڭىزدى نوميناتسيانىڭ ءبىرى «جىل تالىمگەرىن» جەڭىپ العان – اقتوعاي كەن بايىتۋ فابريكاسىنىڭ فلوتاتورى كۇلكەن داگيلوۆا.
«ەڭبەك جولىمدى بالقاش كەن بايىتۋ فابريكاسىنان باستادىم, 2016 جىلى اقتوعاي كەن بايىتۋ فابريكاسىنا كەلدىم.تالىمگەرلەرىم كوپ, مەنى تاربيەلەگەن ۇستازدارىم دا مىقتى» دەيدى, فلوتاتسيا سالاسىنا 22 جىلىن ارناعان بىلىكتى مامان. جىل تالىمگەرى جاس ماماندى ۇيرەتۋدىڭ ەش قيىندىعى جوق دەپ سانايدى.
«شىن نيەتىڭمەن جۇمىسقا باۋلىساڭ, ۇيرەتسەڭ, كەز كەلگەن دۇنيە جەڭىل بولادى. ۇيرەنەدى, ۇيرەنبەيتىن ادام بولمايدى. ارينە, شىدامدىلىق كەرەك, ءىسىن سۇيە ءبىلۋ كەرەك. ماماندىعىن سۇيگەن ادام بارىنە توزەدى, قيىندىعىنا كونەدى, ۇيرەنەدى. ءبىر مامان تەز قاعىپ الادى, ال ەندى بىرىنە ۋاقىت كەرەك, ونىڭ بارىنە شىداۋ كەرەك», – دەيدى كۇلكەن داگيلوۆا.
