قازاقستان – وڭىردەگى ادام قۇقىقتارىن ىلگەرىلەتۋدىڭ ۇلگىسى

استانادا قازاقستان رەسپۋبليكاسىنداعى ادام قۇقىقتارى جونىندەگى ۋاكىلى ا. شاكىروۆتىڭ بۇۇ ادام قۇقىقتارى جونىندەگى جوعارعى كوميسسار باسقارماسىنىڭ ورتالىق ازيا بويىنشا اۋماقتىق وكىلىنىڭ مىندەتىن اتقارۋشى ەليزابەت دا كوشتامەن كەزدەسۋى ءوتتى. كەزدەسۋدىڭ ماقساتى ادام قۇ­قىق­تارى جونىندەگى ۋاكىل مەكەمەسى مەن  بۇۇ ادام قۇقىقتارى ءجو­نىن­دەگى جوعارعى كوميسسار باسقار­ماسىنىڭ اراسىنداعى ەكىجاقتى ىنتىماقتاستىقتى تالقىلاۋ بولدى. ا. شاكىروۆ ارىپتەسىنە 2015 جىلدىڭ ناۋرىز ايىندا جەنەۆادا بولعان ساپارىنىڭ قورىتىندىلارى جونىندە, سول جەردە حالىقارالىق ۇيىمداردىڭ, سونداي-اق, ادام قۇقىقتارى جونىندەگى جوعارعى كوميسسار باسقارماسىنىڭ باسشىلارىمەن بولعان كەزدەسۋلەرى تۋرالى اقپارات بەردى. وسى كەزدەسۋلەردىڭ بارىسىن­دا ءبىزدىڭ ەلىمىزدەگى ادام قۇقىقتارى قامتاماسىز ەتىلۋىنە وڭ باعا بەرىلدى. جوعارىدا اتالعان ۇيىمداردىڭ پىكىرىنشە, قازاقستان كورشىلەس ەل­دەردىڭ قۇقىق قورعاۋشى ءارىپ­تەس­تەرى ءۇشىن ادام قۇقىقتارىن تۇراقتى جىلجىتۋ مەن حالىقارالىق ستاندارتتاردى ەنگىزۋ جونىندە ءتيىمدى تاجىريبەنىڭ كوزى بولىپ تابىلادى. قازاقستان ۋاكىلىنىڭ سوزىنە قارا­عاندا, ەل باسشىلىعى تاراپىنان ۇلت­تىق قۇقىق قورعاۋ ينستيتۋتى قىز­مەتىنىڭ بارلىق كەزەڭى بويىنشا ءسوزسىز قولداۋى تابىستى قىزمەتتىڭ باستى كەپىلى بولىپ وتىر. – قۇقىق قورعاۋ قىزمەتىنىڭ كوپ­تەگەن سالاسىنداعى جيناقتالعان تاجىريبە وڭىردەگى ەلدەر ءۇشىن ەداۋىر  قىزىعۋشىلىق تۋدىرۋى مۇمكىن, – دەپ مالىمدەدى ا. شاكىروۆ. بۇۇ-نىڭ وڭىرلىك وكىلى امبەباپ كەزەڭدىك شولۋدىڭ ەكىنشى كەزەڭى بارىسىندا بۇۇ ادام قۇقىقتارى جونىندەگى كەڭەسى, سونداي-اق, بۇۇ-نىڭ ازاپتاۋلارعا قارسى كو­مي­تەتى بەرگەن ۇسىنىستاردى ءجۇ­زە­گە اسىرۋ بويىنشا قابىلدانىپ جاتقان شارالارمەن تانىستى. ءوز كەزەگىندە ە. دا كوشتا قازاق­ستاندىق ۋاكىلدىڭ قىزمەتىنە, ونىڭ ەلدەگى احۋالدى ءتۇسىنۋ ءۇشىن ۇسىناتىن اقپاراتتىڭ ماڭىزدىلىعىنا نازار اۋدارىپ, ءوزىنىڭ وڭ باعاسىن بەردى. بۇۇ جوعارعى كوميسسارىنىڭ وكىلى  ەكىجاقتى ىنتىماقتاستىقتى جالعاستىرۋدىڭ ورىندىلىعىمەن كەلىستى. بۇدان باسقا, ازاماتتاردىڭ كو­ن­س­تيتۋتسيالىق, ونىڭ ىشىندە, الەۋ­مەتتىك, ەكونوميكالىق, ەڭبەك, تۇرعىن ءۇي, سونداي-اق, حالىقتىڭ وسال توپتارىنىڭ قۇقىقتارىن ءتيىم­دى جۇزەگە اسىرۋ سالاسىنداعى ۋاكىل قىز­مەتىنىڭ ماسەلەلەرى جونىندە ۇتىم­­دى اڭگىمەلەسۋ ءوتتى. قاراستىرىلعان تاقىرىپتار بو­يىنشا بىرقاتار ءىس-شارالاردى ء(دوڭ­گەلەك ۇستەلدەر, سەمينارلار مەن ترەنينگتەر) بىرلەسە ۇيىمداستىرۋ تۋرالى شەشىم قابىلداندى, دەپ حابارلادى قازاقستان رەسپۋبليكاسىنداعى ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى.