سوزاققا سۋ بيىل اقپان ايىندا جەتتى. قاجەتتى كولەمدى قامتاماسىز ەتۋ ءۇشىن سۋ رەسۋرستارى جانە يرريگاتسيا مينيسترلىگى قىرعىزستاننىڭ ءتيىستى مەكەمەلەرىمەن كەلىسسوزدەر جۇرگىزدى.
مينيستر نۇرجان نۇرجىگىتوۆتىڭ تاپسىرماسىنا سايكەس, «قازسۋشار» رمك جامبىل فيليالى مەن شۋ-تالاس باسسەيندىك ينسپەكتسياسىنىڭ ماماندارى وزەن اڭعارىنداعى احۋالدى باقىلاپ, سۋ جىبەرۋدىڭ قورشاعان ورتاعا اسەرىنە مونيتورينگ جۇرگىزدى. جۇمىس توبى سوزاق اۋدانى عانا ەمەس, سونىمەن قاتار جامبىل وبلىسىنىڭ شۋ, مويىنقۇم جانە سارىسۋ اۋداندارىندا دا بولىپ قايتتى.
سوزاق وڭىرىنە مۇنداي كولەمدەگى سۋ سوڭعى بەس جىلدا العاش رەت كەلىپ وتىر. بۇل جاعداي جەرگىلىكتى تۇرعىنداردىڭ وڭ باعاسىن الىپ, مينيسترلىككە العىس ءبىلدىرىلدى.
«اۋدان جۇرتشىلىعى اتىنان سۋدىڭ كەلىپ جاتقانىنا رازىلىعىمىزدى جەتكىزەمىز. اپتاپ ىستىققا قاراماستان, وسى باعىتتاعى جۇمىستى توقتاتپاي, ەل ىشىندەگى احۋالدى تىكەلەي باقىلاپ وتىرعان مينيسترلىك وكىلدەرىنە ريزاشىلىعىمىزدى بىلدىرەمىز», دەدى سوزاق اۋدانىنىڭ تۇرعىنى ريشات تاڭاتوۆ.
سونىمەن قاتار, بيىل ءمينيستردىڭ تاپسىرماسىنا سايكەس, شۋ وزەنىنەن سوزاق اۋدانىنا سۋ جەتكىزەتىن فۋرمانوۆ اينالما كانالىنىڭ ارناسىن تازالاۋ جۇمىستارى قولعا الىنادى.
